മാറുന്ന ഉദ്ബോധനങ്ങള്‍
വളരെ വര്‍ഷം മുമ്പ് ഒരു സര്‍ക്കാര്‍ പരസ്യം, "നമ്മള്‍ രണ്ട് നമുക്കു രണ്ട്"എന്നായിരുന്നു.സന്താനനിയന്ത്രണ
ത്തിനുള്ള സര്‍ക്കാരിന്‍റെ തീവ്രയത്ന പരിപാടിയുടെ ഭാഗമായിരുന്നു ഈ പരസ്യം.എന്നിട്ടും ജനപ്പെരുപ്പം കൂടി
വന്നിട്ടാകാം പുതിയ ഉദ്ബോധനത്തിന് സര്‍ക്കാര്‍ മുതിര്‍ന്നു."നമ്മളൊന്ന് നമുക്കൊന്ന്" എന്നായി പുതിയ മുദ്രാവാക്യം.ഇനി അത്,"നമ്മളൊന്ന് നമുക്കെന്തിന്" എന്നു മാറുമോ എന്നാണ് സംശയം.അങ്ങനെ ഒരു പരിണാമം ഉണ്ടായാല്‍ തന്നെ അത് ക്രമാനുഗതമായി വന്നുചേര്‍ന്നതാണെന്ന് വാദിക്കാം.
എന്നാല്‍ കേട്ടു തഴമ്പിച്ച ഉപദേശത്തെ തലതിരിച്ചിടുന്ന ഒരു സര്‍ക്കാര്‍ പരസ്യമാണ് ഇപ്പോള്‍ ദിവസവും
കേള്‍ക്കുന്നത്.സന്ധ്യയ്ക്ക് വിളക്കു കത്തിച്ചു വയ്ക്കാനാണ് സാധാരണ മുതിര്‍ന്നവര്‍ കുട്ടികളെ ഉപദേശിക്കുക.
അതിനു പകരം ഇപ്പോള്‍ സിനിമാ നടന്മാര്‍ വന്ന് ഉപദേശിക്കുന്നത് ഇങ്ങനെ:"സന്ധ്യക്ക് ഒരു വിളക്കെങ്കിലും
അണയ്ക്കൂ" എന്നാണ്.കറന്‍റ് കട്ട് ഒഴിവാക്കാനാണത്രെ വിദ്യുച്ഛക്തി ബോര്‍ഡിന്‍റെ പുതിയ ഉദ്ബോധനം!
രാഷ്ട്രീയക്കാരും സന്ന്യാസിമാരും വൈദികശ്രേഷ്ഠന്മാരും എല്ലാം ഉപദേശങ്ങള്‍ പരിഷ്ക്കരിക്കുമ്പോള്‍ സര്‍ക്കാര്‍
എന്തിനു മടിക്കണം എന്നാകാം.
Fans on the page
1 comment:
ദിവസവും ചാനലുകളില്‍ പ്രത്യക്ഷപ്പെടുന്ന കെ എസ് ഇ ബി വക പരസ്യം കണ്ടപ്പോള്‍ തോന്നിയ പ്രതികരണം.
-ദത്തന്‍
Post a Comment