Total Pageviews

Monday, November 28, 2016

മോഡിയുടെ വ്യാജ സത്യവാങ്ങ് മൂലങ്ങള്‍




Image result for modi image

അഴിമതിയും കള്ളപ്പണവും തടയാൻ തൻ്റെ സർക്കാർ ശ്രമിക്കുമ്പോൾ പ്രതിപക്ഷം അതിനെതിരെ സമരം ചെയ്യുകയാണെന്ന് പ്രധാനമന്ത്രി നരേന്ദ്ര മോഡി.ഭാരത് ബന്ദ് നടത്തി രാജ്യത്തെ സ്തംഭിപ്പിക്കാനാണ് അവർ മുതിരുന്ന തെന്നും അദ്ദേഹം കുറ്റപ്പെടുത്തി.പതിവ് പോലെയുള്ള അദ്ദേഹത്തിൻ്റെ വ്യാജപ്രചാരണമാണിത്. ഒന്നാമതായി ഇന്ന്(28 .11 .2016 )പ്രതിപക്ഷ കക്ഷികൾ അഖിലേന്ത്യാ ബന്ദിന് ആഹ്വാനം ചെയ്തിട്ടില്ല.ആക്രോശ് ദിവസി(പ്രതിഷേധ ദിനം) നാണ് പ്രതിപക്ഷ ആഹ്വാനം.കേരളത്തിൽ മാത്രമാണ് ഹർത്താൽ.ര ണ്ടാമതായി, ഇത്തരം ഒരു ആരോപണം അദ്ദേഹം ഉന്നയിക്കേണ്ടിയിരുന്നത് പാർലമെൻ്റിലായിരുന്നു.പിടിപ്പുകേടിൻറെയും ദീര്ഘവീക്ഷണമില്ലായ്മ യുടെയും ദൃഷ്ടാന്തമാണ് മോദിയുടെ നടപടി എന്ന് മുൻ പ്രധാനമന്ത്രി മന്മോ ഹൻ സിംഗും മറ്റു പ്രതിപക്ഷ കക്ഷിനേതാക്കളും പറഞ്ഞത് പാർലമെൻ്റിലാ ണ്.അവിടെ നോട്ടസാധുവാക്കി യതിൻറെ കുഴപ്പങ്ങളെക്കുറിച്ച്  ഉന്നയിക്ക പ്പെട്ട ആക്ഷേപങ്ങൾ ചെവി കുളിർക്കെ കേട്ട് നാവിറങ്ങിപ്പോയ മോഡി,അ തിനു തെരുവിൽ മറുപടി പറയുന്നത് ,പറയുന്നതിനെക്കുറിച്ച് അദ്ദേഹത്തിന് തന്നെ ഉറപ്പും വിശ്വാസവുമില്ലാത്തതു കൊണ്ടാണ്.ഭരണത്തിൽ കയറി 100 ദിവസത്തിനകം ഇന്ത്യക്കാർ വിദേശത്ത് നിക്ഷേപിച്ച കള്ളപ്പണം പിടിച്ചെടു ത്ത് സാധുക്കൾക്ക് വിതരണം ചെയ്യുമെന്നു വീമ്പിളക്കിയ മോഡി 1000 ദിവസ മായിട്ടും ഒരു ചില്ലിക്കാശു പോലും പിടിച്ചെടുക്കാൻ കഴിയാഞ്ഞതിൻറെ ജാള്യം മറയ്ക്കാൻ കാണിക്കുന്ന സർക്കസും മോണോ ആക്ടുമാണ് ഇതെന്ന് സ്വന്തം കക്ഷിക്കാർക്ക് പോലും മനസ്സിലായി.ഭരണത്തിൽ കയറിയ അന്ന് മുതൽ അഴിമതിക്കെതിരെ വാ തോരാതെ സംസാരിക്കുന്ന മോഡി അന്നുമു തൽ അഴിമതിക്കാരെ രക്ഷിക്കാനും അഴിമതി ചെയ്യാനും കാണിക്കുന്ന വ്യ ഗ്രത അക്കമിട്ടു വിശദീകരിക്കുവാൻ ആയിരം നാവുള്ള  അനന്തനും പറ്റിയെ ന്നു വരില്ല.


വിദ്യാഭ്യാസ യോഗ്യത സംബന്ധിച്ച് വ്യാജ സത്യവാങ് മൂലം നൽകിയ ഒരു ത്തിയെ വിദ്യാഭ്യാസ മന്ത്രിയായി അവരോധിച്ചു കൊണ്ടാണ് ആദ്ദേഹം അഴിമതിക്ക് ഹരിശ്രീ കുറിച്ചത് തന്നെ. കള്ളപ്പണമെന്നു കേൾക്കുമ്പോൾ ഓക്കാനം വരുന്ന ഇദ്ദേഹത്തിന് കള്ളപ്പണക്കേസിൽ പ്രതിയായ ,സർക്കാർ ലുക്ക്ഔട്ട് നോട്ടീസ് പുറപ്പെടുവിച്ച് രാജ്യം വിടുന്നത് വിലക്കിയ,ക്രിക്കറ്റ് തട്ടിപ്പുകാരൻ  ലളിത് മോഡിക്ക്  നാടുവിടാൻ വിദേശകാര്യമന്ത്രി സുഷസ്വ രാജ്ഉം രാജസ്ഥാൻ മുഖ്യമന്ത്രി വിജയരാജ സിന്ധ്യയും  ഒത്താശ ചെയ്തുകൊടു ത്തപ്പോൾ ഒരു മനം പിരട്ടൽ പോലും ഉണ്ടാകാഞ്ഞതെന്ത്?9000 കോടി രൂപ കബളിപ്പിച്ച വിജയ് മല്യയിൽ നിന്നും ഒരു പൈസ പോലും തിരിച്ചു പിടി ക്കാൻ കഴിഞ്ഞിട്ടില്ല.അയാൾക്ക്‌ രാജ്യം വിട്ടു പോകാൻ വേണ്ടതെല്ലാം ചെയ്തു കൊടുത്തതും മോഡിഭരണകൂടമാണ്.അംബാനിക്കും അദാനിക്കും   നികു തിയിന ത്തിൽ കോടിക്കണക്കിനു രൂപ എഴുതി തള്ളുന്നത് അഴിമതിയല്ലെ ങ്കിൽ പിന്നെ എന്താണ്?അമൃതാനന്ദ മയി ,ശ്രീ ശ്രീ രവിശങ്കർ ബാബാ രാം ദേവ് തുടങ്ങിയ വ്യാജ ആൾദൈവങ്ങളുടെ കള്ളപ്പണ സ്രോതസ്സുകളെ കുറി ച്ച് അന്വേഷിക്കാൻ പോലും ഭയപ്പെടുന്നു.അവരുടെ കാൽക്കൽ കുമ്പിടുന്ന മോദിക്ക് കള്ളപ്പണത്തിനെതി രെ സംസാരിക്കാൻ എന്ത് യോഗ്യത? ഓസ്‌ട്രേ ലിയയിൽ വ്യവസായം ആരംഭിക്കാൻ അദാനിക്ക് വായ്പ ലഭിക്കാൻ വേണ്ടി എസ. ബി ഐ ക്കു മേൽ പ്രധാനമന്ത്രി സമ്മർദ്ദം ചെലുത്തിയ കഥ ഓസ്ട്രേ ലിയൻ പത്രങ്ങൾ അന്നേ  റിപ്പോർട്ട് ചെയ്തിരുന്നതാണ്.ഇപ്പോൾ, അദാനിക്ക് എസ.ബി.ഐ എത്ര തുക വായ്പയായി നൽകിയിട്ടുണ്ടെന്ന വിവരാവകാശ രേഖപ്രകാരമുള്ള ചോദ്യത്തിന് മറുപടി നൽകേണ്ടെന്ന ബാങ്കിൻറെ നിലപാട് കേന്ദ്ര വിവരാവകാശ കമ്മീഷൻ ശരിവച്ചതിൽ നിന്ന് ആ ആരോപണം ശരിയാണെന്ന് വ്യക്തമായിരിക്കുകയാണ്.മല്യ ഒൻപതിനായിരം കോടി രൂപയാണ് വിവിധ ബാങ്കുകളെ പറ്റിച്ചു മുങ്ങിയതെങ്കിൽ അതിൻറെ 9 ഇരട്ടി എസ.ബി.ഐ യിൽ നിന്ന് മാത്രം പറ്റിച്ചായിരിക്കും അദാനി മുങ്ങുക .ഇങ്ങ നെ കള്ളപ്പണ രാജാക്കന്മാർക്ക് ഒത്താശ ചെയ്തു കൊടുക്കുകയും അഴിമതി നടത്തുകയും ചെയ്തിട്ട് അഴിമതിക്കും കള്ളപ്പണ ത്തിനുമെതിരെ തെരുവി ലെ മൈക്കിന് മുമ്പിൽ വീരസ്യം വിളമ്പുകയും സാധാരണ മനുഷ്യരെ എങ്ങനെ ഉപദ്രവിക്കാം എന്ന ഗവേഷണത്തിൽ ഏർപ്പെടുകയും ചെയ്യുന്നത് ഒരു പ്രധാനമന്ത്രിക്കും ഭൂഷണമല്ല.ഉറപ്പിച്ചും അസ്ഥാനത്തും പറഞ്ഞാൽ കള്ളം സത്യമാകില്ല എന്ന്  കൂടി ഓർക്കുന്നതും  നന്നായിരിക്കും ."സത്യമേവ ജയതേ"(സത്യം മാത്രം ജയിക്കുന്നു) എന്ന ഉപനിഷദ്  വാക്യം ദേശീയ മുദ്രാവാക്യമായി സ്വീകരിച്ചിട്ടുള്ള രാജ്യത്തിന്‍റെ പ്രധാനമന്ത്രി ഇങ്ങനെ അസത്യം  മാത്രം പറഞ്ഞു നടക്കുന്നത്  രാജ്യത്തിനു നാണക്കേടാണ്.










Fans on the page

Monday, November 14, 2016

ഇല്ലം ചുട്ടപ്പോൾ



വീട്ടിൽ കള്ളൻ കേറീന്നേതോ
വട്ടൻ ചൊന്നതു കേട്ടു നടുങ്ങി,
കെട്ടിയപെണ്ണിനെയിട്ടിട്ടോടിയ 
കൂട്ടുകുടുംബക്കാർന്നോരേകൻ
വീര്യം കാട്ടി മേനി നടിക്കാൻ
വീടിനു മുഴുവൻ തീയിട്ടത്രേ .
വെന്തു നശിക്കും വീട്ടിൽ നിന്നും
പൊന്തും നിലവിളി കേൾക്കാതങ്ങേർ
അന്യഗൃഹത്തിൽ കേറിയൊളിക്കെ
ആശ്രയമറ്റ കുടുംബാംഗങ്ങൾ
ബ്രഹ്‌മാവിൻറെ യടുക്കൽ ചെന്നൂ
കഷ്ടപ്പാടുകൾ ബോധിപ്പിക്കാൻ.
ഉടുതുണി ,കാശും ചട്ടീം കലവും
ഉപ്പു ചിരട്ടയുമൊക്കെ കത്തി
കഞ്ഞി കുടിക്കാൻ വകയില്ലാതെ
കായും വയറും വായും പൊത്തി
ചൊല്ലും കണ്ണീർ വഴിയും കഥകൾ
എല്ലാംകേട്ട പിതാമഹനോതി:
"എട്ടും പൊട്ടും തിരിയാത്തവനും
കഷ്ടപ്പാടുകളറിയാത്തവനും
പരദുഃഖത്തിൽ സന്തോഷിക്കും
പരമദ്രോഹമനസ്ക്കനുമെല്ലാം
കൂട്ടുകുടുംബക്കുലപതിയാകിൽ
പറ്റാമിങ്ങനെ പലവിധ ദുഃഖം .
വട്ടിനു നല്ലതു നെല്ലിക്കാത്തള--
മുത്തമമല്ലോ ഷോക്കു കൊടുപ്പും.
ഇതുകൊണ്ടൊന്നും ഫലമില്ലെങ്കിൽ
കാക്കുകയിനിയും രണ്ടര വർഷം."
ബ്രഹ്‌മാവും കൂടിങ്ങനെ ചൊൽകെ
യാശ നശിച്ച കുടുംബ ജനങ്ങൾ
ആകുലരായിട്ടോടുകയായി
കഞ്ഞികുടിക്കാൻ കാശിനു വേണ്ടി
ഏറ്റിയെമ്മിൽ ക്യൂ നിൽക്കാനായ്.
തല ചായ്ക്കാനൊരുകൂരയൊരുക്കി
തളരും കുഞ്ഞിനു തുണയേകാനായ്.











Fans on the page

Thursday, October 27, 2016

കെ.എം .എബ്രഹാം അത്ര നല്ലപിള്ള ചമയേണ്ടാ .


അഡീഷണൽ ചീഫ് സെക്രട്ടറി കെ.എം .എബ്രഹാമിൻറെ വീട് വിജിലൻസ് റെയ്‌ഡ്‌ ചെയ്തതിനെതിരെ കുറെ ഐ എ എസ് പുലികൾ ചീഫ് സെക്രട്ടറിക്കും, ശ്രീ എബ്രഹാം മുഖ്യമന്ത്രിക്കും പരാതി നൽകിയിരിക്കുന്നു.വിജിലൻസ് ഡയറക്ടർ ജേക്കബ് തോമസ് തന്നെ കരി വാരി തേക്കാൻ ശ്രമിക്കു കയാണെന്നാണ് അഡീഷണൽ ചീഫ് സെക്രട്ടറി യുടെയും പുലികളുടെയും പരാതി.വരവിൽ കവിഞ്ഞ സ്വത്ത് സമ്പാദിച്ചു എന്ന പരാതിയിന്മേൽ എബ്രഹാമി നെതിരെ ത്വരിതാന്വേഷണത്തിന് കോടതി പുറപ്പെടു വിച്ച ഉത്തരവ് നടപ്പാക്കുക മാത്രമാണ് വിജിലൻസ് ചെയ്തിട്ടുള്ളത്.വിജിലൻസ് അന്വേഷണത്തിനെതിരെ രംഗത്ത് എത്തിയിരിക്കുന്ന ഉദ്യോഗസ്ഥ പുലികൾ പലരും അഴിമതിയുടെ കരി നേരത്തെ തന്നെ പുരണ്ടിട്ടുള്ളവരും വിജിലൻസ് അന്വേഷണത്തെ നേരിടുന്നവരുമാണ് എന്നതാണ് തമാശ.
കെ. എം.എബ്രഹാം ഹയർ എജ്യൂക്കേഷൻ സെക്രട്ടറി ആയിരിക്കെ2013 ൽ 6 മാസത്തോളം കേരള സർവ്വകലാശാലാ വൈസ്‌ചാൻസലറുടെ ചുമതല കൂടി വഹിച്ചിരുന്നു.അന്ന് ,20 വര്ഷം മുമ്പ് പ്രീഡിഗ്രിക്കു തോറ്റ ഒരു വിദ്യാർത്ഥിയെ എല്ലാ നിയമങ്ങളും കീഴ്വഴക്കങ്ങളും ലംഘിച്ച് ജയിപ്പിക്കുവാൻ ഇദ്ദേഹം അദ്ധ്യക്ഷനായ സിൻഡിക്കേറ്റ്തീരുമാനിക്കുക യുണ്ടാ യി.അതിനു മുൻകൈ എടുത്തത് കെ .എം. എബ്രഹാം ആയിരുന്നു.ഈ 20 വര്ഷത്തിനിടയിൽ, കൊല്ലം കാവനാട് സ്വദേശിയായ വിദ്യാർത്ഥി പല പ്രാവശ്യം തന്നെ ജയിപ്പിക്കണമെന്ന് ആവശ്യപ്പെട്ട് നിവേദനം നൽകിയിരുന്നെങ്കിലും അന്നെല്ലാം വി.സി ലെവലിൽ തന്നെ നിരസിക്കുക യായിരുന്നു.ഇദ്ദേഹത്തിന് വി.സി യുടെ ചാർജ് കിട്ടിയപ്പോൾ വിദ്യാർത്ഥി കൊടു ത്ത നിവേദനം സിഡിക്കേറ്റിൽ വച്ച് ജയിപ്പിക്കുവാൻ തീരുമാനിക്കുകയാണ് ചെയ്തത്.മാത്രമല്ല എത്രയും വേഗം പാസ്സാക്കി ഉത്തരവിറക്കാനും ജയിച്ച മാർക്ക്‌ലിസ്റ്റ് നൽകാനും ബന്ധപ്പെട്ട സെക് ഷനെ നിർബ്ബന്ധിക്കുക യും ചെയ്തു."അഴിമതി പ്രതിരോധ വേദി"എന്ന സംഘ ടനയുടെ പേരിൽ ഈ അഴിമതി തീരുമാനത്തി നെതിരെ ഞാൻ ലോകായുക്തയിൽ പരാതി നല്കിയതിനാൽ എബ്രഹാമിൻറെ ഉദ്ദേശം നടന്നില്ല.ഏറെനാൾ കേസ് നീട്ടിക്കൊണ്ടു പോയെങ്കിലും ഗത്യന്തരമില്ലാതെ അവിഹിത മാർക്ക് ദാനം റദ്ദു ചെയ്യാൻ സിഡിക്കേറ്റ് നിർബ്ബന്ധിതമായി.2013 ൽ അല്പകാലത്തേക്ക് വൈസ് ചാൻസലറുടെ ചാർജ് കിട്ടിയപ്പോൾ അഴിമതി നടത്തിയ കെ.എം.എബ്രഹാം വളരെക്കാലമായി വിവിധ വകുപ്പു കളിൽ സെക്രട്ടറിയായി വിലസുമ്പോൾ എത്ര എത്ര അഴിമതി നടത്തിക്കാണില്ല?ആവശ്യത്തിലധികം കരി ദേഹത്ത് ഉള്ളപ്പോള്‍ വിശേഷിച് ആരെങ്കിലും കരി വാരി തേക്കേണ്ട കാര്യമുണ്ടോ?











Fans on the page

Wednesday, October 26, 2016

ചട്ടം പരിശോധിക്കാന്‍ സി.ബി.ഐ എന്തിന് ?


Image result for jacob thomas

വിജിലൻസ് ഡയറക്ടർ ഡോ.ജേക്കബ് തോമസ് അവധി യിൽ ആയിരുന്ന കാലത്ത് വേറെ ജോലി ചെയ്ത് ശമ്പളം പറ്റി എന്ന ആരോപണത്തെ കുറിച്ച് അന്വേഷിക്കാൻ സി.ബി.ഐ തയ്യാറാണത്രേ.കോടതിയിൽ ആണ് തങ്ങളുടെ ഉത്തരവാദിത്ത ബോധവും മഹാമനസ്ക്കതയും സി.ബി.ഐ.പ്രകടിപ്പിച്ചത്.രാജ്യത്തെമ്പാടും നടക്കുന്ന ദുരൂഹമരണങ്ങളും കൊലപാതകങ്ങളും അന്വേഷിക്കുവാൻ സമയവും സാവകാശവും ഇല്ലെന്ന് വിലപിക്കുന്ന ഈ അന്വേഷണ ഏജൻസിക്ക് , ജേക്കബ് തോമസിൻറെ കേസ് അന്വേഷിക്കുവാൻ ഇത്ര താല്പര്യവും ആവേശവും എന്താണെന്ന് മനസ്സിലാകു ന്നില്ല.കേരളത്തിൽ തന്നെ ഇവർ അന്വേഷിച്ച പ്രധാനപ്പെ ട്ട എത്രയോ കേസ്സുകളിൽ തെളിവ് കണ്ടെത്താനാകാതെ അവസാനിപ്പിച്ചിട്ടുണ്ട്.ചേകന്നൂർ മൗലവി വധക്കേസ് തുടങ്ങി എത്ര എത്ര കേസ്സുകൾ ഇവരുടെ "സാമർഥ്യം "കൊണ്ട് മടക്കി കെട്ടി! ടി.പി ചന്ദ്രശേഖരൻ വധക്കേസി ലെ ഗൂഢാലോചനയെ കുറിച്ച് അന്വേഷിക്കുവാൻ മുൻ സർക്കാർ അഭ്യർത്ഥിച്ചപ്പോൾ സമയമില്ലെന്ന് പറഞ്ഞു കൈകഴുകിയവരാണിവർ.അന്വേഷിച്ച് കുളമാക്കിയ കേസ്സുകൾ നിരവധി വേറെ.സർക്കാരിന് 10 കോടി രൂപയുടെ നഷ്ടം വരുത്തി എന്ന പരാതിയിൽ സി.ബി ഐക്കെതിരെ കോടതി ഉത്തരവനുസരിച്ച് വിജിലൻസ് കേസ്സെടുത്തിരിക്കുകയാണ് .വിജിലൻസിൻറെ പ്രതിപ്പട്ടികയിൽ ഉള്ള സി.ബിഐക്ക് വിജിലൻസ് ഡയറക്ടർക്കെ തിരെ അന്വേഷണം നടത്തുവാൻ ധാർമ്മികമായി യാതൊരർഹതയുമി ല്ല.മാത്രമ ല്ല,ജേക്ക ബ് തോമസ് കൊള്ളയും കൊലപാതകവും നടത്തിയെ ന്ന് ആർക്കും പരാതിയില്ല.ഉള്ളത് ചട്ട ലംഘനം നടത്തി എന്ന ആരോപണമാണ്.അത് കണ്ടെത്തുവാൻ ഡമ്മി പരീക്ഷണമോ പോലീസ് നായുടെ സഹായമോ ശാസ്ത്രീയ കുറ്റാന്വേഷണ രീതിയോ ഒന്നും ആവശ്യമില്ല .സർ വീസ് നിയമങ്ങൾ നിശ്ചയമുള്ള ഒരു വെറും സെക്രട്ടറി മതിയാകും.മൻമോഹൻ സിംഗിന്റെ കാലത്ത് സി.ബിഐ "കൂട്ടിലടച്ച തത്ത"യാണെന്ന് ആക്ഷേപിച്ചവർ ഭരണത്തി ലെത്തിയപ്പോൾ " കൂട്ടിലടച്ചതത്ത"യുടെ ചിറകു കൂടി മുറിച്ചതിനാലാകണം അദ്ധ്വാനം അധികം വേണ്ടാത്ത അന്വേഷണത്തിൽ അമിതാവേശം കാട്ടുന്നത് .







Fans on the page

Friday, July 8, 2016

ഒരു നാണക്കേടിന് അറുതിയായി.


തന്‍റെ വിദ്യാഭ്യാസ യോഗ്യതയെ സംബന്ധിച്ച് വ്യാജ സത്യവാങ്ങ് മൂലം സമര്‍പ്പിച്ച് വിദ്യാഭ്യാസ മന്ത്രിപദത്തില്‍ ഇരുന്ന്‍ ഇന്ത്യയുടെ വിദ്യാഭ്യാസ മേഖലയാകെ കുട്ടിച്ചോറാക്കിയ സ്മൃതിഇറാനിയെ വിദ്യാഭ്യാസ വകുപ്പില്‍നിന്നും മാറ്റി.പകരം ടെക്സ് സ്റ്റയില്‍ വകുപ്പ് കൊടുത്ത മോഡിയുടെ ഔചിത്യ ബോധം അഭിനന്ദനീയം തന്നെ.


ഏതു വകുപ്പിലേക്ക്  മാറ്റിയാലും  ഈ വ്യജവീര നിരപരാധികളായ വിദ്യാര്ത്ഥികളോടും വിദ്യാഭ്യാസ മേഖലയോടും കാട്ടിയ നെറികേ ടുകള്‍ക്കും മഹാ പാതകങ്ങള്‍ക്കും കണക്കു പറയേണ്ടി വരിക തന്നെ ചെയ്യും .








Fans on the page

Wednesday, June 22, 2016

50 കോടി മുടക്കിയത് ഗോഷ്ടി കാണിക്കാനോ ?



ജൂൺ 21 ന് അന്താരാഷ്ട്ര യോഗ ദിനം കൊണ്ടാടാൻ കേന്ദ്ര സർക്കാർ 50 കോടി രൂപയാണത്രെ പൊടിച്ചത് !ഭാരതത്തിൻ്റെ തനതായ ഈ വ്യായാമ മുറ പരിശീലിപ്പി ക്കുന്നതും ലോകമാകെ പ്രചരിപ്പിക്കുന്നതും നല്ലതു തന്നെ. മനസ്സിനും ശരീരത്തിനും ഒരുപോലെ പ്രയോ ജനകരമായ യോഗാഭ്യാസം മനുഷ്യകുല ത്തിനാകെ ഗുണം ചെയ്യുന്ന ഒന്നാണ്.പക്ഷെ രാജ്യത്തൊട്ടാകെ ആയുഷ് മന്ത്രാലയത്തിൻറെ ചുമതലയിൽ ഇന്നലെ സംഘടിപ്പിക്കപ്പെട്ട യോഗ പ്രദർശനങ്ങളിൽ പലതും യോഗാഭ്യാസം പിള്ളേരുകളിപോലെയാണെന്ന് തോ ന്നിപ്പിക്കാനാണ് ഉപകരിച്ചത്. യോഗയുടെ ഗൗരവവും മഹത്വവും ചോർത്തിക്കളയുന്ന ഗോഷ്ടികളാണ് പലേ ടത്തും അരങ്ങേറിയത്.ചില കേന്ദ്രമന്ത്രിമാരും ബി.ജെ .പി മന്ത്രിമാരും ,യോഗ എന്ന പേരിൽ കാട്ടിയതത്രയും ഗോഷ്ടികളായിരുന്നു. കേരളത്തിൽ വന്ന കേന്ദ്ര വനം പരിസ്ഥിതി മന്ത്രി പ്രകാശ് ജാവദേക്കർ ,ബി.ജെ.പി സംസ്ഥാന അദ്ധ്യക്ഷൻ കുമ്മനം രാജശേഖരൻ, ദില്ലി യിലും പഞ്ചാബിലും മറ്റും പ്രദർശനം നടത്തിയ കേന്ദ്ര മന്ത്രിമാരായ വെങ്കയ്യ നായിഡു,സ്‌മൃതി ഇറാനി ,ബിജെ. പി അഖിലേന്ത്യാ അദ്ധ്യക്ഷൻ അമിത് ഷാ തുടങ്ങിയവർ ക്യാമറകൾക്ക് മുമ്പിൽ കുച്ചുപ്പുടിയുടെയും ഭരതനാ ട്യത്തിൻറെയും മിമിക്രിയാണ് യോഗ എന്ന പേരിൽ കാട്ടിക്കൂട്ടിയത്. ലോകം മുഴുവൻ ഈ കോപ്രായങ്ങൾ കണ്ടവർക്ക് യോഗാഭ്യാസത്തെ കുറിച്ചും ഭാരതത്തെ കുറിച്ചും തെറ്റിദ്ധാരണയും അവമതിപ്പും മാത്രമേ ഉണ്ടാകൂ.തങ്ങളുടെ കോമാളിത്തരങ്ങൾ മാലോകരെ കാണിക്കണമെന്ന് നിർബ്ബന്ധ മുള്ള മന്ത്രിമാരും രാഷ്ട്രീ യക്കാരും കുടുംബത്തിൽ നിന്നും കാശെടുത്ത് വേണം അതു ചെയ്യാൻ.
തനിക്ക് ചെയ്യാൻ അറിയാത്ത യോഗ ചെയ്യാതെ അതി നെ കുറിച്ച് അറിയാവുന്ന കര്യങ്ങൾ പറയുക മാത്രം ചെയ്ത് കേരളത്തിലെ യോഗ പ്രദർശനത്തിൻറെ ഉദ്ഘാ ടനം നിർവ്വഹിച്ച ആരോഗ്യമന്ത്രി ശൈലജ ടീച്ചറെ അഭി നന്ദിക്കുന്നതിനു പകരം ആക്ഷേപിക്കാൻ ചിലർ ശ്രമി ക്കുന്നത് അപകർഷത കൊണ്ടാണ്.യോഗ മതേതരമാ ണെന്ന് പ്രധാനമന്ത്രി പറഞ്ഞപ്പോൾ ഒരു കുറ്റവും കാണാ തിരുന്നവർ ,യോഗ തുടങ്ങും മുമ്പ് വേദസൂക്തങ്ങൾ ഉരുവിട്ടത് ശരിയായില്ലെന്ന് ടീച്ചർ സൂചിപ്പിച്ചപ്പോൾ കണ്ഠ ക്ഷോഭം ചെയ്യുന്നത് വിവരക്കേടും കാപട്യവു മാണ് .യോഗ അങ്ങാടിയോ പച്ചമരുന്നോ എന്നറിയാ ത്തതു കൊണ്ടാണ്. കുമ്മനത്തെ പോലുള്ള സംഘികൾ ടീച്ചറെ വിമർശിക്കുന്നത് മനസ്സിലാക്കാം.പൊതു ചട ങ്ങിൽ നിലവിളക്കു കൊളുത്താൻ മടിക്കുന്ന കുഞ്ഞാലിക്കുട്ടിയും ഈ.ടി .മുഹമ്മദ് ബഷീറുമൊക്കെ ഭാരത പൈതൃകത്തെ കുറിച്ചും യോഗമാഹാത്മ്യത്തെ പറ്റിയും പറയുന്നതാണ് അത്ഭുതം.


Image result for yoga day

     ഇത്  ഇന്ക്വിലാബാസനമോ?




Fans on the page

Thursday, June 16, 2016

അങ്കുശമില്ലാത്തഹങ്കാരമേ ..........





Image result for smriti irani

കേന്ദ്ര വിദ്യാഭ്യാസ വകുപ്പു മന്ത്രി ശ്രീമതി സ്മൃതി ഇറാനിക്ക്‌ 'Dear'എന്ന സംബോധന അത്ര പിടിക്കുന്നി
ല്ല.ബീഹാര്‍ വിദ്യാഭ്യാസ മന്ത്രി ശ്രീ.അശോക്‌ ചൌധരി ട്വിറ്ററില്‍, 'ഡീയര്‍' എന്ന് അവരെ അഭിസംബോധന ചെയ്തതാണ്‌ ശ്രീമതിയെ ചൊടിപ്പിച്ചത്‌."ആദരണീയ" എന്നാണു തന്നെ അഭിസംബോധന ചെയ്യേണ്ടതെന്നത്രെ 'മാഡ'ത്തിന്‍റെ അഭിപ്രായം.സ്വന്തം വിദ്യാഭ്യാസ യോഗ്യത സംബന്ധിച്ച്‌ വ്യാജ സത്യവാങ്മൂലം നല്‍കി അധികാര ത്തിലേറിയ ഒരു ഫ്രോഡ്‌,ഡീയര്‍ എന്ന വിളി പോലും അര്‍ഹിക്കുന്നില്ല.ഉന്നത സ്ഥാനങ്ങളില്‍ ഇരിക്കുന്നത് ഏതു കുറ്റിച്ചൂലായാലും സ്ഥാന മഹിമയെ മാനിക്കണ മല്ലൊ എന്ന നാട്ടു നടപ്പ്‌ പിന്തുടര്‍ന്നാകാം ബീഹാര്‍ മന്ത്രി ഈ വ്യാജാവതാരത്തെയും ഡീയര്‍ എന്നു വിളിച്ചത്‌.വി ദ്യാഭ്യാസ യോഗ്യത്യെ കുറിച്ചു കള്ളം പറഞ്ഞ്‌ വിദ്യാഭ്യാ സമന്ത്രിയായി ഇരുന്ന് വിദ്യാഭ്യാസ മേഖലയാകെ കുളം തോണ്ടിക്കൊണ്ടിരിക്കുന്ന ഈ മനുസ്മൃതിഭക്ത അങ്ങനെ പോലും സംബോധന ചെയ്യപ്പെടാന്‍ യോഗ്യയല്ല. ബീഹാ ര്‍ ഉപമുഖ്യമന്ത്രി ശ്രീ തേജസ്വി യാദവിന്‍റെ ചോദ്യ ത്തില്‍,ഇവരുടെ അസുഖത്തിന്‍റെ യഥാര്‍ത്ഥ കാരണം വ്യക്തമാണ്‌."...is 'Dear' an offensive word or it becomes when a minister from Dalit community calls so ?" ദളിത്‌ വിരോധം രക്തത്തില്‍ കലര്‍ന്ന ഈ സവര്‍ണ്ണ മന്ത്രിണിയുടെ ജാതി ക്കുശുമ്പും സംസ്കാരമില്ലായ്മയുമാണു ഈ സംബോധനാ രസക്കേടിന്‍റെ പിന്നിലുള്ളത്‌.ഹൈദ്രാബാദ്‌ യൂണിവേഴ്സി റ്റിയിലെ രോഹിത്‌ വെമുല എന്ന ദളിത്‌ വിദ്യാര്‍ത്ഥിയെ ആത്മഹത്യക്കു പ്രേരിപ്പിച്ചവര്‍,ആ സമുദായത്തില്‍ പെട്ട ഒരാള്‍(അയാള്‍ മന്ത്രിയാണെങ്കില്‍ പോലും)dear എന്നൊ ക്കെ വിളിച്ചാല്‍ എങ്ങനെയാണു സഹിക്കുക?ആത്മഹ ത്യക്കു ശേഷവും ആ വിദ്യാര്‍ത്ഥിയെ വേട്ടയാടിയ ഇത്ത രം ശവം തീനികള്‍, മനുഷ്യര്‍ക്കു ചേരുന്ന മാന്യമായ ഒരു സംബോധനയും അര്‍ഹിക്കുന്നില്ല.

സ്മൃതി ഇറാനിയുടെയും മറ്റു  വ്യാജന്മാരുടെയും ദൈവമായ പ്രധാനമന്ത്രി മോഡി, ദീപിക പദുകോണിനെ അഭിസംബോധന ചെയ്തുകൊണ്ടുള്ള ട്വീറ്റാ ണ് താഴെ കൊടുത്തിട്ടുള്ളത്. അതില്‍ അവരെ dear എന്ന് സംബോധന ചെയ്തിരിക്കുന്നത്  വ്യക്തമായി കാണാം.അതൊന്നും ഈ അല്പജ്ഞക്ക്  മോശമായി തോന്നുന്നില്ല.അപ്പോള്‍ ശ്രീമതിയുടെ  അസുഖം സംബോധനാ ബാഹ്യമായ സവര്‍ണ്ണമാനിയ ആണെന്ന്  പ്രകടമല്ലേ?.

ദളിത്‌  വിരോധം മൂലമാണ്  രോഹിത്  വെമുലയെ ഇവര്‍  പീഡിപ്പിച്ച്  മരണത്തിലേക്ക്  നയിച്ചത്  എന്ന ആരോപണം പാര്‍ലമെന് റിലും പുറത്തും  അലയടിച്ചപ്പോള്‍  രോഹിത്  ദളിതനല്ല എന്ന്‍  പാര്‍ലമെന്റില്‍  പ്രസ്താവിച്ച മഹതിയാണ്  ഈ ചാതുര്‍ വര്‍ണ്യഭക്ത.ഇവരുടെ സംബോധനാ വിവാദം വന്ന അതേ ദിവസത്തെ  പത്രത്തില്‍ തന്നെ, രോഹിത്  ദളിതന്‍ തന്നെ എന്ന്‍ സാക്ഷ്യപ്പെടുത്തുന്ന അവിടുത്തെ വില്ലേജ് ഓഫീസറുടെ സര്‍ട്ടിഫിക്കറ്റ്  ഉണ്ടെന്ന  വാര്‍ത്തയുണ്ട്.സ്വന്തം  കുറ്റം മറച്ചു പിടിക്കാന്‍  പാര്‍ലമെന്റില്‍ പോലും  കള്ളം പറഞ്ഞ  ഇവര്‍  പാര്‍ലമെന്റിന്റെ  പടിവാതില്‍ക്കല്‍ പോലും കയറ്റാന്‍  കൊള്ളാത്ത ഒരുത്തിയാണ്.ഇവര്‍ ഇന്ത്യയുടെ ജനാധിപത്യത്തിനും  മതേതരത്വത്തിനും  തീരാ കളങ്കമാണ്.വിദ്യാഭ്യാസ മേഖലക്ക് അപമാനവും.






Fans on the page