തലസ്ഥാനത്തെ ഒരു സ്വകാര്യ കോളേജ് പ്രിന്സിപ്പാളിന് കലശലായ പുറം വേദന.തീരെ സഹിക്കാന് വയ്യാതായപ്പോള് അനന്തിരവനെ വരുത്തി അയാളുടെ കാറില് അടുത്തുള്ള പ്രശസ്ത പ്രൈവറ്റ് ആശുപത്രിയില്
പോയി.മെഡിക്കല് കോളേജില് നിന്നു റിട്ടയര് ചെയ്ത പ്രഗത്ഭ ഡോക്റ്ററാണ് മെഡിസിന്റെ തലവന്.വിശദമായ
പരിശോധനയ്ക്കു ശേഷം അദ്ദേഹം,രക്തം,മൂത്രം മുതലായവയുടെ സാധാരണ ടെസ്റ്റുകള് നടത്തിയതു കൂടാതെ ഇ സി ജിയുംഎടുത്തു.അവയുടെ റിസള്ട്ട് കണ്ടിട്ടും തൃപ്തിയാകാഞ്ഞ് സ്കാനിംഗിനും കൂടി എഴുതിക്കൊടുത്തു.സ്കാനിംഗ് വൈകിട്ടു മാത്രമേ നടക്കൂ എന്നറിഞ്ഞതിനാല് വീട്ടലേക്കു മടങ്ങി.
ഭക്ഷണം കഴിഞ്ഞതോടെ വേദന കൂടി.ഉടന് തന്നെ വീണ്ടുംആശുപത്രിയില്.അപ്പോള് ഡ്യൂട്ടിയില്
ഉണ്ടായിരുന്നത് വേറെ ഡോക്റ്ററായിരുന്നു.അദ്ദേഹം ഇ സി ജി ക്ക് കുറിച്ചപ്പോള് രാവിലെ എടുത്തത് കാണിച്ചുകൊടുത്തു.'ഈ റിസള്ട്ട് സാര് കണ്ടില്ലേ' എന്ന് ചോദിച്ച ഡോക്റ്ററുടെ മുഖത്ത് പരിഭ്രമം.'കണ്ടിരുന്നു' എന്ന രോഗിയുടെ മറുപടി ശ്രദ്ധിക്കാതെ അദ്ദേഹം തുടര്ന്നു:'ഇനി വേസ്റ്റ് ചെയ്യാന് സമയമില്ല.ഇവിടെ ഐ സി യു ഇല്ല.ഈ കണ്ടീഷനില് ശ്രീ ചിത്രായിലോ മെഡിക്കല് കോളജിലോ വരെ യാത്ര ചെയ്യാന് പറ്റില്ല.തൊട്ടടുത്തുള്ള ഹോസ്പ്റ്റലില് ഐസിയു ഉണ്ട്.അവിടെ എല്ലാം അറേഞ്ച് ചെയ്തിട്ടുണ്ട്.'നിമിഷങ്ങള്ക്കകം സ്റ്റ്റെച്ചറും ആംബുലന്സും എത്തി.നടന്നു ചെന്ന രോഗിയെ അനങ്ങാന് അനുവദിക്കാതെ സ്റ്റ്റെച്ചറിലാണ് ആംബുലന്സില് കയറ്റിയത്.മിനിട്ടു കൊണ്ട് തൊട്ടടുത്തുള്ള നക്ഷത്ര ആശുപത്രിയില്.അവിടെ എല്ലാ സന്നാഹങ്ങളും ഒരുക്കിയിരുന്നു.നേരേ ഐ സി യു വിലാക്കി.പകച്ചു നിന്ന അനന്തിരവനോട് ഡോക്റ്റര് പറഞ്ഞു:"അറ്റാക്ക് വന്നിട്ട് ഒന്പത് മണിക്കൂറില് കൂടുതലായി.ഒരു ഇഞ്ചെക് ഷന് കൊടുത്തിട്ടുണ്ട്.നാല്പത്തെട്ട് മണിക്കൂര് കഴിഞ്ഞേ എന്തെങ്കിലും പറയാന് പറ്റൂ.അറിയിക്കാനുള്ളവരെയൊക്കെ അറിയിക്കുക."
മദ്യപാനവും പുകവലിയും മറ്റും ഇല്ലാതിരുന്നതുകൊണ്ടാകാം, കൊടുത്ത മരുന്നുകള് ഫലിച്ചു.അദ്ദേഹം അത്ഭുതകരമായി രക്ഷപ്പെട്ടു.പക്ഷേ അറ്റാക്ക് വന്നയുടന് ചികിത്സ ലഭിക്കാഞ്ഞതു മൂലം ഒരുപാട് പ്രശ്നങ്ങള്
ഉണ്ടായി.നിരന്തരം മറ്റു രോഗങ്ങളുടെ ആക്രമണം.എന്തായാലും പിന്നീടു കിട്ടിയ നല്ല ചികിത്സയും
ചിട്ടയായ ദിനചര്യയും കൊണ്ട് അസുഖത്തില് നിന്നു മോചിതനായ അദ്ദേഹം ഇപ്പോള് വിശ്രമ ജീവിതം ആസ്വദിക്കുന്നു.
Fans on the page
2 comments:
ഡോക്റ്റര്മാരുടെ (ക്രൂര)വിനോദങ്ങളുടെ കൂട്ടത്തില് ഒരെണ്ണം കൂടി.
-ദത്തന്
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Impressora e Multifuncional, I hope you enjoy. The address is http://impressora-multifuncional.blogspot.com. A hug.
Post a Comment