Total Pageviews

Friday, November 5, 2010

*വിജയം


നാട്ടുകാര്‍ക്ക് ഉപകാരമുള്ള
നല്ല കാര്യങ്ങള്‍ ഒരുപാടു ഞാന്‍ ചെയ്തു;
പക്ഷേ അവര്‍ക്കതു മനസ്സിലായില്ല.
നന്നാകാനുള്ള
നാനാതരം ഉപദേശങ്ങള്‍
പല വട്ടം
പല മട്ടില്‍ പറഞ്ഞു;
അതും അവര്‍ ഗ്രഹിച്ചില്ല.
തലോടാന്‍ പൊക്കിയ എന്റെ
വലതു കൈ അവര്‍ അരിഞ്ഞു വീഴ്ത്തി;
ഓടാനൊരുങ്ങിയ എന്റെ കാലു രണ്ടും
അടിച്ചൊടിച്ചു.
താഴെ വീണു തല പൊട്ടിയപ്പോള്‍
കഴുത്തിലും വയറ്റിലും കുത്തി.
(കത്തിയുടാകൃതി എന്തെന്നോര്‍മ്മയില്ല)
എങ്കിലും ആശുപത്രിയിലെ
ഭാരമളക്കുന്ന ഉപകരണത്തില്‍ നോക്കിയപ്പോള്‍
എന്റെ തൂക്കം മുമ്പത്തെക്കാള്‍
രണ്ടു ശതമാനം കൂടിയിരിക്കുന്നു!!

..................................
*സമീപ കാല രാഷ്ട്രീയ സംഭവ വികാസങ്ങളുമായി ഈ കവിതയ്ക്ക് യാതൊരു ബന്ധവുമില്ല.ആര്‍ക്കെങ്കിലും അങ്ങനെ തോന്നുന്നെങ്കില്‍ കവി ഉത്തരവാദിയല്ല.










Fans on the page

1 comment:

Unknown said...

കലക്കി.അഭിനന്ദനങ്ങള്‍