Total Pageviews

Sunday, May 9, 2010

വിദ്യാഭ്യാസ വിരുദ്ധനായ വിദ്യാഭ്യാസമന്ത്രി

ധര്‍മ്മ ദൈവം ബാധയാകുമെന്നു കേട്ടിട്ടേ ഉള്ളൂ.കേരളത്തിലെ വിദ്യാഭ്യാസ രംഗം ഈ അവസ്ഥ ശരിക്കും അനുഭവി
ക്കുകയാണ് ഇപ്പോള്‍.വിദ്യാഭ്യാസമന്ത്രി വിദ്യാഭ്യാസത്തിന്റെ ആരാച്ചാരാണെന്ന് എതിരാളികള്‍ പറയാന്‍ തുടങ്ങിയിട്ട് കാലം കുറെ ആയി. ആ ആരോപണം ശരിയാണെന്ന് സംശയരഹിതമായി തെളിഞ്ഞിരിക്കുന്നു.ഈ വര്‍ഷത്തെ
എസ്.എസ്.എല്‍.സി പരീക്ഷാ ഫലം പ്രഖ്യാപിച്ചു കൊണ്ട് വിദ്യാഭ്യാസ മന്ത്രി എം.എ.ബേബി നടത്തിയ പത്ര സമ്മേളനത്തിലാണ്,കഴിഞ്ഞ നാലു വര്‍ഷമായി കേരളം അനുഭവിച്ചുകൊണ്ടിരിക്കുന്ന ദുര്യോഗത്തിന്റെ കാരണം അറി
യാതെ പുറത്തു ചാടിയത്.

പരീക്ഷയില്‍ തോറ്റവരും ഉദ്ദേശിച്ച ഫലം ലഭിക്കാത്തവരും നിരാശരാകാതെ,ബി.എ.കംപ്ലീറ്റ് ചെയ്യാത്ത തന്നെക്കണ്ടു
പഠിക്കാനാണ് ശ്രീമാന്‍ ബേബി വിദ്യാര്‍ത്ഥികളെ ഉപദേശിച്ചത്.നേരേചൊവ്വേ പഠിച്ചില്ലെങ്കിലും തന്നെപ്പോലെ മന്ത്രി വരെയുള്ള ഉന്നത പദവികളില്‍ എത്താം എന്നാണ് ആ പറഞ്ഞതിന്റെ പൊരുള്‍.പഠിച്ചിട്ടു വലിയ പ്രയോജനമില്ല
എന്നും വ്യാഖ്യാനിക്കാം.ഒരു വിദ്യാഭ്യാസ മന്ത്രിക്ക് പറഞ്ഞു ഞെളിയാന്‍ പറ്റിയ കാര്യം തന്നെ!അതും കൗമാരത്തോട് വിടപയുന്ന ,സ്വഭാവരൂപ വല്‍ക്കരണത്തിലും മറ്റും വഴിത്തിരിവുണ്ടാകുന്ന, പ്രായത്തില്‍ പെട്ട കുട്ടികളോട്.

"വിദ്യാധനം സര്‍വ്വധനാല്‍ പ്രധാനം" എന്ന് മലയാളിക്കു ചൊല്ലിത്തന്ന മഹാകവി ഉള്ളൂര്‍ വെറും മണ്ടന്‍.അത് ഇത്ര
യും കാലം പഠിപ്പിച്ച അദ്ധ്യാപകര്‍ മരമണ്ടന്മാര്‍!വിദ്യാഭ്യാസം പാതി വഴിയില്‍ ഉപേക്ഷിച്ച മന്ത്രി മഹാസമര്‍ത്ഥന്‍.
അദ്ദേഹത്തിന്റെ സാമര്ത്ഥ്യം ഏതെല്ലാം വിധത്തിലാണ് കേരളഭരണത്തിലും അദ്ദേഹത്തിന്റെ പാര്‍ട്ടിക്കുള്ളിലും സാം
സ്കാരിക,വിദ്യാഭ്യാസ രംഗങ്ങളിലും വിളയാടിക്കൊണ്ടിരിക്കുന്നത് എന്ന് വിദ്യാര്‍ത്ഥികളല്ലാത്തവരും കണ്ടു പഠിക്കട്ടെ.

കുത്തിത്തിരിപ്പും കുതികാല്‍ വെട്ടും സേവ പിടുത്തവും കൊണ്ടു തരപ്പെടുത്തിയ മന്ത്രി സ്ഥാനം മറ്റെന്തിനേക്കാളും മഹ
ത്താണെന്നു കരുതുന്ന ഒരാള്‍ക്കേ ഇത്തരം അല്പത്തങ്ങള്‍ സങ്കോചമില്ലാതെ എഴുന്നള്ളിക്കാന്‍ സാധിക്കൂ.പാര്‍ട്ടിയിലെ
യോഗ്യതയുള്ളവരില്‍ നിന്നു തട്ടിയെടുത്ത മന്ത്രിപ്പണി നേരാം വണ്ണം ചെയ്യാന്‍ കഴിയാതെ പോയതിന്റെ കാരണങ്ങ
ളില്‍ പ്രധാനം വിദ്യാഭ്യാസമില്ലായ്മയാണെന്നു പോലും ഈ വങ്കപ്രഭു അറിയുന്നില്ല.അതു മനസ്സിലാക്കണമെങ്കില്‍ വി
വരം വേണം;വിനയം വേണം;കാര്യങ്ങള്‍ ഗ്രഹിക്കാനുള്ള താല്പര്യവും ഇച്ഛാശക്തിയും വേണം.

ദാരിദ്ര്യം ഉള്‍പ്പെടെയുള്ള വീട്ടിലെ സാഹചര്യങ്ങള്‍ മൂലം പഠിത്തം പൂര്‍ത്തിയാക്കാന്‍ കഴിയാതെ പോകുന്ന ഒട്ടനവധി പേരുണ്ട്.മറ്റു പല കാരണങ്ങള്‍ കൊണ്ടു വിദ്യാഭ്യാസത്തിനു വിരാമമിടേണ്ടി വരുന്നവരുമുണ്ട്.അവര്ക്കെല്ലാം അതില്‍ വേദനയും നിരാശയും പശ്ചാത്താപവും ഒക്കെ ഉണ്ടാകും.പലരും അവസരം ലഭിച്ചാല്‍ മുടങ്ങിയ വിദ്യാഭ്യാസം പൂര്‍ത്തി
യാക്കുന്നതും പതിവാണ്.എന്നാല്‍ പഠിത്തം പൂര്‍ത്തീകരിക്കാത്തതില്‍ അഭിമാനിക്കുന്ന ഒരാളെ ആദ്യമായാണ് കാണു
ന്നത്.

ഇദ്ദേഹത്തെക്കാള്‍ വിദ്യാഭ്യാസം കുറഞ്ഞവരും കേരളത്തില്‍ വിദ്യാഭ്യാസ മന്ത്രിമാരായിരുന്നിട്ടുണ്ട്.അവരാരും ഇത്തരം
അഹങ്കാരവും വിവരക്കേടും പുലമ്പിയിട്ടില്ല.തന്നെയുമല്ല തങ്ങള്‍ക്കു സാധിക്കാഞ്ഞത് പുതിയ തലമുറയ്ക്ക് കഴിയണം എ
ന്ന മനോഭാവമാണ് അവരില്‍ വേരൂന്നിയിരുന്നത്.സ്വന്തം പ്രവര്‍ത്തനങ്ങളിലൂടെ അവര്‍ അതു തെളിയിക്കുകയും ചെയ്തു.തങ്ങള്‍ക്കു കിട്ടാത്ത സൗഭാഗ്യമൊന്നും ഇനി വരുന്നവരും അനുഭവിക്കരുത് എന്ന വികലമായ മാനസിക ഘടനയുള്ളവരുണ്ട്.അവര്‍ ബോധപൂര്‍വ്വമായോ അബോധപൂര്‍വ്വമായോ അതിനു വേണ്ട വേലകളൊക്കെ ചെയ്യും.തനി
ക്കു ശരിയായ വിദ്യാഭ്യാസം ലഭിക്കാനുള്ള അവസരം നഷ്ടപ്പെടുത്തിയ കേരളത്തിന്റെ വിദ്യാഭ്യാസ മന്ത്രി ഇത്തരം വിക
ലബുദ്ധികളില്‍ ഉള്‍പ്പെടുമെന്നാണ് മനസ്സിലാക്കേണ്ടത്.കേരളത്തിലെ വിദ്യാഭ്യാസ മേഖല ഒന്നാകെ അലങ്കോലപ്പെടു
ത്തിയതില്‍ വകുപ്പു മന്ത്രിയുടെ ഈ മനോവൈകല്യം നിര്‍ണ്ണായക പങ്കു വഹിച്ചിട്ടുണ്ടെന്നതിന് സംശയമില്ല.ഇദ്ദേഹം വിദ്യാഭ്യാസ മന്ത്രിയുടെ കിരീടം അണിഞ്ഞ ശേഷം നടത്തിയ പരിഷ്കാരങ്ങള്‍ ഓരോന്നും പരിശോധിച്ചാല്‍ ഇക്കാര്യം വ്യക്തമാകും.

പാര്‍ട്ടിയുടെ സൗജന്യത്താല്‍ വളരെക്കാലം ഡല്‍ഹിയില്‍ കഴിഞ്ഞതു മൂലം സ്വായത്തമാക്കിയ മുറി ഇംഗ്ലീഷ് ഉപയോ
ഗിച്ച് മുഖ്യമന്ത്രിക്കും സഹമന്ത്രിമാര്‍ക്കും പാര്‍ട്ടി ആസ്ഥാനത്തു പോയി പാരവയ്ക്കുകയും 'സ്വരലയ'വഴി കാശുണ്ടാക്കു
കയും ചെയ്യുന്നതു പോലുള്ള പരിപാടിയാണ് മന്ത്രിപ്പണിയെന്നു ഇദ്ദേഹം ധരിക്കുന്നുണ്ടാകണം.ജീവിതത്തിന്റെ നല്ല പ
ങ്കും പഠനത്തിനും ഗവേഷണത്തിനും വിനിയോഗിച്ച് ഉന്നത ബിരുദങ്ങള്‍ നേടുന്നവരോടും വരും തലമുറ്യ്ക്കു അറിവു പ
കര്‍ന്നു കൊടുക്കുന്ന അദ്ധ്യാപകരോടും മന്ത്രിയുടെ മനോഭാവം എന്തായിരിക്കും എന്ന് ഊഹിക്കാവുന്നതേ ഉള്ളൂ. ഇദ്ദേ
ഹത്തെപ്പോലുള്ള വിദ്യാനിന്ദകര്‍,സര്‍വ്വകലാശാലകളുടെ പ്രോ ചാന്‍സലര്‍ എന്ന നിലയില്‍ പങ്കെടുക്കുന്ന പ്രത്യേക കോണ്‍വൊക്കേഷനുകളില്‍ വച്ച് ഡിലിറ്റ് ബിരുദം സ്വീകരിക്കേണ്ടി വരുന്നത് അവ ലഭിക്കുന്ന മഹാപ്രതിഭകള്‍ക്ക് മാ
നക്കേടാണ്.

മന്ത്രിമാരും സാംസ്കാരിക നായകന്മാരും പറയുന്ന തമാശകള്‍ പോലും വിവാദമാക്കുന്ന അച്ചടി ,ദൃശ്യ മാദ്ധ്യമ മങ്ങ
ളൊന്നും വിദ്യാഭ്യാസത്തിന്റെ നേര്‍ക്കു എം.എ.ബേബി നടത്തിയ കാര്‍ക്കിച്ചുതുപ്പല്‍ കണ്ടില്ലെന്നുനടിക്കുക യാണ്.പ
ലവിധ മാദ്ധ്യമ പുരസ്കാരങ്ങളും സാഹിത്യ സമ്മാനങ്ങളും ഫിലിം അവാര്‍ഡുകളും കൈവശമുള്ള ഒരു വകുപ്പിന്റെ ചക്ര
വര്‍ത്തിയെ വെറുപ്പിക്കുന്നത് ബുദ്ധിയല്ലന്നാകും അവര്‍ കരുതുന്നത്.ചാനല്‍ ചര്‍ച്ചകളും ലേഖന പരമ്പരകളും ഉണ്ടായി
ല്ലെങ്കിലും ഈ വിദ്യാഭ്യാസ നിന്ദ സാക്ഷര കേരളം തിരിച്ചറിയുക തന്നെ ചെയ്യും.വിദ്യാര്‍ത്ഥികളെ വഴിതെറ്റിക്കുകയും അവരുടെ പഠന താല്പര്യത്തെ ഹനിക്കുകയും ചെയ്യുന്ന പ്രസ്താവന നടത്തിയ ശ്രീ.എം.എ.ബേബിക്ക് വിദ്യാഭ്യാസ മന്ത്രിയായി തുടരാന്‍ യാതൊരര്‍ഹതയുമില്ല.

Fans on the page

33 comments:

Manoj മനോജ് said...

സര്‍വൈവല്‍ അതാണ് ഒരു വിദ്യാര്‍ത്ഥി ആദ്യം പഠിക്കേണ്ടത്, ഒരു അദ്ധ്യാപകന്‍ പഠിപ്പിക്കേണ്ടത് :) രാഷ്ട്രീയത്തില്‍ മാത്രമല്ല ബിസിനസ്സിലും, അദ്ധ്യാപന രംഗത്തും, മറ്റ് സര്‍വീസിലും എല്ലാം അത് തന്നെയല്ലേ നടക്കുന്നത്. അല്ലാത്തവന്‍ എത്ര ഉന്നത ബിരുദമുണ്ടായാലും കാഴ്ചക്കാരന്‍ മാത്രമേ ആവുകയുള്ളൂ... അത് കേരളത്തില്‍ മാത്രമല്ല ലോകത്ത് എവിടെയും....

Baiju Elikkattoor said...

അധികം ആരാലും ശ്രദ്ധിക്കപ്പെടാതെ പോയ ഈ വിഡ്ഢി പരാമര്‍ശത്തെ അര്‍ഹിക്കുന്ന ഗൌരവത്തോട് അവതരിപ്പിച്ചിരിക്കുന്നു.

ഒന്‍പതാമത്തെ വയസില്‍ കാട്ടനെയെ കൊന്നു വിജയകരമായ കരിയര്‍ കെട്ടിപ്പടുത്ത വീരപ്പനെ കണ്ടു പഠിക്കാന്‍ പറയാഞ്ഞത് ഭാഗ്യം.

സിനിമാക്കാരുടെ പ്രശനത്തില്‍ പടവാള്‍ എടുത്തു ചാടിയ അഴിക്കോട് മാഷ്‌ സ്വന്തം മേഖലയില്‍ മന്ത്രിയില്‍ നിന്നും ഈ അല്പത്തം കേട്ടിട്ടും നാവിന് ക്ളിപ്പിട്ടു ഇരിക്കുകയാണോ?!

ഷിബു ചേക്കുളത്ത്‌ said...

ഇതും ഇതിലപ്പുറവും പ്രതീക്ഷിക്കാം നമുക്ക്‌, കാരണം ഭരിക്കുന്നതു ഇടതുപക്ഷമാണു. അധ്വാനിച്ചു കാശുണ്ടാക്കുന്നവരെയും വിദ്യാഭ്യാസമുള്ളവരെയും കാണുമ്പോള്‍ ഇവന്‍മാര്‍ക്കു ചൊറിയും. ഇനിയും ഇതുപോലുള്ള തരവഴികള്‍ വന്നാല്‍ അദ്ഭുതപ്പെടരുത്‌.

Rejith said...

യോഗ്യതയുള്ളവരില്‍ നിന്നു തട്ടിയെടുത്ത മന്ത്രിപ്പണി നേരാം വണ്ണം ചെയ്യാന്‍ കഴിയാതെ പോയതിന്റെ കാരണങ്ങ
ളില്‍ പ്രധാനം വിദ്യാഭ്യാസമില്ലായ്മയാണെന്നു പോലും ഈ വങ്കപ്രഭു അറിയുന്നില്ല.
ആരില്‍ നിന്നാ തട്ടിയെടുതതെന്നു മനസ്സിലായില്ല. പി ജെ ജോസെഫിനെയാണോ ഉദ്ദേശിച്ചത്?
ഉള്ളൂര്‍ പറഞ്ഞത് അവിടെ ഇരിക്കട്ടെ. വിദ്യാധനം അല്ലാതതോന്നും കൊള്ളില്ലന്നാണോ ഉദ്ദേശിച്ചത്? ഇവിടെ എല്ലാവരും പഠിച്ചു ഡിഗ്രി എടുത്തിട്ട് എന്ത് ചെയ്യാനാ? ഒരുപാടു പേര്‍ അവരുടെ നിസര്‍ഗികമായ കഴിവുകള്‍ ഒരിക്കലും തിരിച്ചറിയുക പോലും ചെയ്യുന്നില്ല.
I believe in our country, we have enormous talent, and very few are discovering their own talent and reaching the heights.. People usually cannot even think of anything other than getting some degree and a government job. I think we should respect the diversity in human nature, and allow people to thrive in their own interested areas. Anyways, I dont discount the importance of "Vidhya" at all.

dethan said...

മനോജ്,
ആധുനിക ജിവിതത്തില്‍ സര്‍വൈവ് ചെയ്യാന്‍ ഉപകരിക്കുന്ന ഏറ്റവും പ്രധാനപ്പെട്ട ഒന്നാണ് വിദ്യാഭ്യാസം.വിദ്യാഭ്യാസത്തിന്റെ പിന്‍ബല
മില്ലാതെ സര്‍വൈവലിന്റെ ബാലപാഠം മനസ്സി
ലാകില്ല.സ്വാനുഭവങ്ങളില്‍ നിന്ന് പഠിക്കാന്‍ കഴിഞ്ഞേക്കും. പക്ഷേ അതിനൊരുപാട് വില നല്‍കേണ്ടിവരും; സമയവുമെടുക്കും.

ബൈജു,
വേറൊരു തരം വീരപ്പന്മാരല്ലേ ബേബിയുടെ ഇനത്തില്‍ പെട്ടവര്‍?

ഷിബു,
ഇടതുപക്ഷം ഇങ്ങനെയൊന്നും ആയിരുന്നില്ല.നല്ല ഇടതുപക്ഷ ചിന്താഗതിക്കാരൊന്നും ഇത്തരം വിവരക്കേടുകള്‍ ഇപ്പോഴും പറയുകയുമില്ല.

Rejith,
ബേബിയുടെ 'പാര്‍ട്ടിയിലെ യോഗ്യതയുള്ളവരില്‍'എന്നാണ് ഞാന്‍ പറഞ്ഞത്.അത് ജോസഫാണെന്ന് എന്തടിസ്ഥാ
നത്തിലാണ് താങ്കള്‍ ഊഹിച്ചതെന്നു മനസ്സിലാകുന്നില്ല.സി.പി.എം ല്‍ ബേബിയേ
ക്കാള്‍ വിവരവും വിദ്യാഭ്യാസവും ഉള്ള എത്രയോ പേരുണ്ട് മന്ത്രിയാകാന്‍ യോഗ്യതയുള്ളവരായി?പിണറായി പക്ഷക്കാര്‍ തന്നെയുണ്ടല്ലോ ഇഷ്ടം പോലെ.
എന്റെ പോസ്റ്റ് ശരിയായി വായിക്കാഞ്ഞിട്ടാണ് വിദ്യാധനം അല്ലാത്തതൊന്നും കൊള്ളില്ലെന്ന് ഞാന്‍ പറഞ്ഞതായി തോന്നുന്നത്.
"എല്ലാവരും പഠിച്ചു ഡിഗ്രി എടുത്തിട്ട് എന്തു ചെയ്യാനാ?" എന്ന താങ്കളുടെ ചോദ്യം പ്രസക്തമാണ്.എനിക്കും ചോദിക്കാം.പക്ഷേ വിദ്യാഭ്യാസ മന്ത്രിക്കസേരയില്‍ ഇരുന്നു കൊണ്ട് അത്തരം ചോദ്യം ചോദിക്കുന്ന
ത്,മിതമായ ഭാഷയില്‍ പറഞ്ഞാല്‍ അനൗചിത്യമാണ്.പിന്നെ ഡിഗ്രി ഏടുക്കുന്നത് അത്ര വലിയ അപരാധമാണെന്ന് കരുതുന്നില്ല.താങ്കള്‍ സൂചിപ്പിക്കുന്ന നൈസര്‍ഗ്ഗിക കഴിവുകള്‍ തിരിച്ചറിയാന്‍ ഒരിക്കലും വിദ്യാഭ്യാസം തടസ്സമാകില്ല.മാത്രമല്ല ടാലന്റു വികസിപ്പിക്കാന്‍ വിദ്യാഭ്യാസം സഹായിക്കുകയേ ഉള്ളൂ.

ബേബിയുടെ പ്രസ്താവന കുട്ടികള്‍ക്ക് തെറ്റായ സന്ദേശമാണ് നല്‍കുന്നത്.വിദ്യാഭ്യാസമില്ലാത്ത
വരുടെ അഭയസ്ഥാനമാണ് രാഷ്ട്രീയം എന്ന മറ്റൊരര്‍ത്ഥവും അദ്ദേഹത്തിന്റെ പ്രസ്താവന
യ്ക്കുണ്ട്.മടിയന്മാരെക്കുടി പഠിക്കാന്‍ പ്രേ
രിപ്പിക്കേണ്ട ചുമതലയുള്ള മന്ത്രി അവരെ വഴിതെറ്റിക്കുന്ന വാചകങ്ങള്‍ പറഞ്ഞത് ശുദ്ധ വിവരക്കേടു തന്നെയാണ്.

-ദത്തന്‍

കാക്കര - kaakkara said...

ചെറിയ കക്ഷികൾ ഭരിച്ച്‌ വിദ്യഭ്യാസം കുളമാക്കുന്നു എന്ന ആരോപണം ബേബി തിരുത്തി...

Rejith said...

ദത്തന്‍,
വിദ്യാഭ്യാസമന്ത്രി വിദ്യാഭ്യാസത്തിന്റെ ആരാച്ചാരാണെന്ന് എതിരാളികള്‍ പറയാന്‍ തുടങ്ങിയിട്ട് കാലം കുറെ ആയി. ആരാ എതിരാളികള്‍? മലയാള മനോരമയും മാതൃഭുമിയും പള്ളിയും ഒക്കെ ആയിരിക്കും. അല്ലെങ്കില്‍ത്തന്നെ എതിരാളികള്‍ നല്ല വാക്ക് പറയുമെന്ന് വിശ്വസിക്കാന്‍ പ്രയാസം. പ്രത്യേകിച്ച് ഒരു കമ്മ്യൂണിസ്റ്റ്‌ മത്രിയെ പറ്റി . അച്ചുമാമ വല്ലതും ആയിരുന്നേല്‍ നോക്കാമായിരുന്നു.
നേരേചൊവ്വേ പഠിച്ചില്ലെങ്കിലും തന്നെപ്പോലെ മന്ത്രി വരെയുള്ള ഉന്നത പദവികളില്‍ എത്താം എന്നാണ് ആ പറഞ്ഞതിന്റെ പൊരുള്‍. നേരെ ചൊവ്വേ പഠിക്കാത്തവര്‍ ഒരുപാടു വലിയ പോസിഷന്സില്‍ എത്തിയിട്ടുണ്ട്, നന്നായി അവരുടെ പണി ചെയ്തിട്ടും ഉണ്ട് . ഡിഗ്രി എടുക്കന്താണോ ഒരു മന്ത്രി ആവാനുള്ള മിനിമം യോഗ്യത? അതറിയില്ലായിരുന്നു.
പഠിച്ചിട്ടു വലിയ പ്രയോജനമില്ല എന്നും വ്യാഖ്യാനിക്കാം താങ്കള്‍ക്ക് അങ്ങനെ വ്യാഖ്യാനിക്കാം. ഇപ്പോള്‍ അതാണല്ലോ മൊത്തം നടക്കുനന്തു. പിണറായി പണം വാങ്ങിയതിനു തെളിവില്ല എന്ന് പറഞ്ഞതിനെ വ്യാഖ്യാനിച്ചത് " പണം വാങ്ങിയിട്ടുണ്ട്. തെളിവില്ല എന്നെ ഉള്ളൂ"
പാര്‍ട്ടിയിലെ യോഗ്യതയുള്ളവരില്‍ നിന്നു തട്ടിയെടുത്ത മന്ത്രിപ്പണി നേരാം വണ്ണം ചെയ്യാന്‍ കഴിയാതെ പോയതിന്റെ കാരണങ്ങ
ളില്‍ പ്രധാനം വിദ്യാഭ്യാസമില്ലായ്മയാണെന്നു പോലും ഈ വങ്കപ്രഭു അറിയുന്നില്ല
താങ്കള്‍ ഈ അഭിപ്യത്തില്‍ എതിയതെങ്ങനെ ആണെന്നറിയില്ല. ആരില്‍ നിന്ന തട്ടിഎയെടുത്തത്? വിശദമാക്കാമോ. മത്രിമാരെ തീരുമാനിച്ച പാര്‍ട്ടി യോഗത്തില്‍ താങ്കള്‍ പങ്കെടുത്തിരുന്നോ എന്തോ? മന്ത്രിപ്പണി നേരം വണ്ണം ചെയ്തില്ല എന്നതിനുള്ള പൊയന്റ്സ് വ്യക്തമാക്കിയാല്‍ കൊള്ളാം.അതിനു ശേഷം അതിനുള്ള കാരണം അനെഷിക്കാം.
വിദ്യാഭ്യാസത്തിന്റെ നേര്‍ക്കു എം.എ.ബേബി നടത്തിയ കാര്‍ക്കിച്ചുതുപ്പല്‍ എന്നൊക്കെ പറയാന്‍ എവിടെ എന്ത് നടന്നു എന്ന് മനസ്സിലാവുന്നില്ല.
"എല്ലാവരും പഠിച്ചു ഡിഗ്രി എടുത്തിട്ട് എന്തു ചെയ്യാനാ?" എന്ന് ബേബി പറഞ്ഞിട്ടില്ല. അത് എന്റെ സെന്റെന്‍സ് ആണ്.
വിദ്യാഭ്യാസമില്ലാത്ത
വരുടെ അഭയസ്ഥാനമാണ് രാഷ്ട്രീയം എന്ന മറ്റൊരര്‍ത്ഥവും അദ്ദേഹത്തിന്റെ പ്രസ്താവന
യ്ക്കുണ്ട്.

താങ്കള്ക്കങ്ങനെ ഒരുപാട് അര്‍ഥം കണ്ടുപിടിക്കാന്‍ പറ്റും. അതാണല്ലോ താങ്കള്‍ യീ ബ്ലോഗ്‌ മുഴുവന്‍ ചെയ്തു വച്ചിരിക്കുന്നത്. ബേബിയുടെ ഒരു സെന്റെന്‍സ് എടുത്തു അതിനെ വളചോട്ച്ചു അങ്ങേരെ ഒരു വങ്കന്‍ എന്ന് വരെ വിളിച്ചു. keep it up.

dethan said...

Rejith,
ഞാന്‍ വളരെ വ്യക്തമായി എഴുതിയിട്ടും താങ്കള്‍ക്കു തോന്നിയതു പോലെ വ്യാഖ്യാനിച്ചു ശണ്ഠയ്ക്കു പുറപ്പെട്ടിരിക്കുന്നതിന്റെ പൊരുള്‍ മനസ്സിലാകുന്നില്ല.താങ്കളുടെ ആദ്യത്തെ കമന്റിനുള്ള മറുപടയില്‍,"എല്ലാവരും പഠിച്ചു ഡിഗ്രി എടുത്തിട്ട് എന്തു ചെയ്യാനാ?" എന്നത് ബേബിയുടെ വാചകമാണെന്ന് ഞാന്‍ സൂചിപ്പിച്ചിട്ടില്ല.അത് ഒന്നുകൂടി വായിച്ചാല്‍ മനസ്സിലാക്കാം.താങ്കളുടെ വിമര്‍ശനത്തിന്റെ രീതി കണ്ടിട്ട് അതിനു മിനക്കെടില്ല എന്ന് തോന്നുന്നതുകൊണ്ട്,അവിടെനിന്ന് അതേപടി ഇവിടെ കോപ്പി ചെയ്യുന്നു:

{"എല്ലാവരും പഠിച്ചു ഡിഗ്രി എടുത്തിട്ട് എന്തു ചെയ്യാനാ?" എന്ന താങ്കളുടെ ചോദ്യം പ്രസക്തമാണ്.എനിക്കും ചോദിക്കാം.പക്ഷേ വിദ്യാഭ്യാസ മന്ത്രിക്കസേരയില്‍ ഇരുന്നു കൊണ്ട് അത്തരം ചോദ്യം ചോദിക്കുന്ന
ത്,മിതമായ ഭാഷയില്‍ പറഞ്ഞാല്‍ അനൗചിത്യമാണ്.}

ഇതു വായിച്ച്,ഇന്‍ വെര്‍ട്ടഡ് കോമയില്‍ കൊടു
ത്തിരിക്കുന്ന വാചകം ബേബി പറഞ്ഞതാണെ
ന്ന് താങ്കള്‍ ധരിച്ചത് എന്റെ കുറ്റമല്ല.പിണറാ
യി കാശു വാങ്ങിയെന്നോ ഇല്ലെന്നോ തെളിവു
ണ്ടെന്നോ തെളിവില്ലെന്നോ ഒന്നും ഞാന്‍ പറഞ്ഞിട്ടില്ല.അത് ഇവിടെ ചര്‍ച്ചാവിഷയവുമ
ല്ല.എം.എ.ബേബിയുടെ പ്രസ്താവന വിവരക്കേ
ടാണെന്നഎന്റെ കാഴ്ചപ്പാട് വ്യക്തമാക്കുക മാത്ര
മാണ് ഞാന്‍ ചെയ്തത്.അത് നാലാള്‍ക്ക് ബോദ്ധ്യമാകത്തക്കവണ്ണം വിശദീകരിക്കാന്‍ ശ്രമിച്ചിട്ടുമുണ്ട്.വിദ്യാഭ്യാസത്തെ പുച്ഛിക്കാത്ത ആര്‍ക്കും തോന്നുന്ന കാര്യമേ ഞാന്‍ പറഞ്ഞി
ട്ടുള്ളു.അല്ലാതെ എന്റെ മാത്രം കണ്ടുപിടുത്ത
മല്ല.ബേബിയുടെ ഒരു സെന്റന്‍സും വളച്ചതും ഒടിച്ചതും ഒന്നുമില്ല.

ബേബിയ്ക്കു മുമ്പും കമ്യൂണിസ്റ്റുകാര്‍ വിദ്യാഭ്യാസ മന്ത്രിയായിരുന്നിട്ടുണ്ട്.മന്ത്രിപ്പണി അവര്‍ വേണ്ട
വണ്ണം ചെയ്തിട്ടുണ്ട്.മുടി ചീകാതെയും താടി വടി
ക്കതെയും തേക്കാത്ത കുപ്പായമിട്ടും നടന്നാല്‍ കമ്യൂണിസ്റ്റുകാരനാകില്ല.സ്വാശ്രയ മുതലാളി
മാര്‍ക്ക് ഗുണകരമായ കരാര്‍ ഒപ്പിടാന്‍ വ്യഗ്രത കാട്ടിയ ആള്‍ക്ക് എന്ത് കമ്യൂണിസം സുഹൃത്തേ?
മുന്നണിയോ മന്ത്രി സഭയോ അറിയാതെ അരമന തോറും കയറി ഇറങ്ങി നടന്ന ബേബിയോടു പള്ളിയ്ക്ക് എന്ത് എതിര്‍പ്പ്?

ഇപ്പോഴത്തെ കേരള മന്ത്രിസഭയിലെ ഏറ്റവും മോശപ്പെട്ട മന്ത്രിയാണ് ബേബി.അദ്ദേഹത്തി
ന്റെ പിടിപ്പുകേടുകള്‍ അക്കമിട്ടു നിരത്താന്‍ ഒരു പോസ്റ്റ് തികയാതെ വരും.സ്വാശ്രയ കോളേജ് പ്രശ്നം മുതല്‍ അദ്ധ്യാപകരുടെ യു.ജി.സി ശമ്പ
ള പരിഷ്കരണം വരെ എത്ര വേണമെങ്കിലും ചൂണ്ടിക്കാണിക്കാന്‍ കഴിയും."ബാല്യകാല സഖി വായിച്ച് ഞാനും ബറ്റിയും കരഞ്ഞു പോയി" എന്ന ഗീര്‍വാണം തുടങ്ങി അടുത്ത കാലത്ത് സൂപ്പര്‍ സ്റ്റാറുകളെ രക്ഷിക്കാന്‍ ചാടിപ്പുറപ്പെട്ടതുള്‍പ്പടെ എന്തെല്ലാം വങ്കത്തര
ങ്ങളാണ് ഇദ്ദേഹം ജല്പ്പിക്കുകയും കാട്ടുകയും ചെയ്തിട്ടുള്ളതെന്ന് പ്രത്യേകം പറയേണ്ട കാര്യമി
ല്ല.

താങ്കളും ബഹു.മന്ത്രിയെപ്പോലെ ബി.എ.എന്‍.
സി(ബി.എ.നോട്ട് കംപ്ലീറ്റഡ്)യോ ബി.എ.
എഫ്(ബി.എ.ഫെയില്‍ഡ്) ഓ ആണെങ്കില്‍ ക്ഷമിക്കുക.താങ്കളെപ്പോലുള്ളവരെ പരിഹസി
ക്കണമെന്ന് എനിക്ക് ഉദ്ദേശമില്ല.താങ്കള്‍ ഒരു
പക്ഷേ വിദ്യാഭ്യാസത്തിന്റെ ആനുകൂല്യമില്ലാതെ ജീവിത വിജയം നേടിയ വ്യക്തിയുമാകാം.അത് പുരപ്പുറത്തു നിന്നു വിളിച്ചു പറയാനുള്ള അവകാ
ശവും അര്‍ഹതയും അത്തരമാളുകള്‍ക്കുണ്ട്.
ആരും അതില്‍ തെറ്റും അനൗചിത്യവും കാണി
ല്ല.എങ്കില്‍ പോലും വിദ്യാഭ്യാസം മോശപ്പെട്ട സംഗതിയാണെന്നു ശഠിച്ചാല്‍ സമ്മതിച്ചു
തരാന്‍ പറ്റില്ല.

ഉത്തരവാദപ്പെട്ട ഒരു സ്ഥാനത്ത് ഇരിക്കു മ്പോള്‍ ആ സ്ഥാനത്തിന്റെ അന്തസ്സു കാണിക്കണം.അതിനു കഴിവില്ലാ
ത്തവന്‍ അവിടെയിരിക്കാന്‍ യോഗ്യനല്ല.
ശ്രീ.ബേബിയുടെ പ്രസ്താവന വേദവാക്യമായി താങ്കള്‍ക്ക് തോന്നുന്നുണ്ടാകാം.അതുകൊ
ണ്ട് എല്ലാവരും അങ്ങനെ കരുതണം എന്ന് വാശിപിടിക്കരുത്.

dethan said...

കാക്കര,
വാസ്തവം.ഇനി വിഭ്യാഭ്യാസത്തില്‍ പിന്നോക്കം നില്‍ക്കുന്ന സംസ്ഥാനങ്ങള്‍ ഇദ്ദേഹത്തെ തട്ടിക്കൊണ്ടു പോകുമോ എന്നാണു പേടി.

kaalidaasan said...

ദത്തന്‍,

താങ്കളുടെ അഭിപ്രായങ്ങളോട് പൂര്‍ണ്ണമായും യോജിക്കുന്നു. വിദ്യാഭ്യാസ മന്ത്രി സ്ഥാനത്തിരുന്ന് വിദ്യാഭ്യാസം പാതി വഴിക്ക് ഉപേക്ഷിക്കുന്നതിനെ മഹത്വവത്കരിക്കുന്നത് അല്‍പ്പത്തമാണ്.

വിദ്യാഭ്യാസ രംഗം ഇത്രയേറേ താറുമാറായ മറ്റൊരു സന്ദര്‍ഭം ഓര്‍മ്മയിലില്ല.

Rejith said...
This comment has been removed by the author.
Rejith said...

എങ്കില്‍ പോലും വിദ്യാഭ്യാസം മോശപ്പെട്ട സംഗതിയാണെന്നു ശഠിച്ചാല്‍ സമ്മതിച്ചു
തരാന്‍ പറ്റില്ല.
വിദ്യാഭ്യാസം മോശമാണെന്ന് ഞാനോ ബേബിയോ പറഞ്ഞില്ല. അത് തങ്ങളുടെ വ്യാഖ്യാനം മാത്രമാണ്. എന്തെങ്കിലും നല്ലതെന്ന് പറഞ്ഞാല്‍ ബാകിയെല്ലാം മോശമാണെന്ന് വ്യാഖ്യാനിക്കുന്ന തന്ഗ്ഗളുടെ ബുദ്ധി അപാരം.

As per your own words what Baby told is " Don't worry about being failed in degree exams. There are lot of other areas you can excel, even without completing a degree. I am an example of that."
That doesn't mean anything derogatory to education at all. . If you still wants to say he tried to say "വിദ്യാഭ്യാസം മോശപ്പെട്ട സംഗതിയാണെന്നു ശഠിച്ചാല്‍" I don't have anything to say, other than hoping you will think reasonably some time..

കുത്തിത്തിരിപ്പും കുതികാല്‍ വെട്ടും സേവ പിടുത്തവും കൊണ്ടു തരപ്പെടുത്തിയ മന്ത്രി സ്ഥാനം മറ്റെന്തിനേക്കാളും മഹ
ത്താണെന്നു കരുതുന്ന ഒരാള്‍ക്കേ ഇത്തരം അല്പത്തങ്ങള്‍ സങ്കോചമില്ലാതെ എഴുന്നള്ളിക്കാന്‍ സാധിക്കൂ.
--ഇതിനൊക്കെ എന്ത് തെളിവാണോ നിരതനുള്ളത്?

അരമന തോറും കയറിയിറങ്ങി എന്നൊക്കെ പറയുന്നത് വെറും "വങ്കത്തരം" മാത്രമാണ്. അരമന കയറി ഇറങ്ങിയത്‌ വോട്ട് ചോദിക്കാനും പാദസേവ ചയ്യനുമല്ല. ഫീസ്‌ ചര്‍ച്ച നടത്താനാണ്.
This is the government which tried to create a rule to curb the so called " Aramana"s and bring some anity to the self financing sector. But it couldn't because of the minority rights in the constitution. So the only option left with the minster is to talk to the managements and get atleast something better in terms of fees or reservation. There is nothing else possible legally in this case.
മുടി ചീകാതെയും താടി വടി
ക്കതെയും തേക്കാത്ത കുപ്പായമിട്ടും നടന്നാല്‍ കമ്യൂണിസ്റ്റുകാരനാകില്ല
അത് തന്നെയാ എനിക്കും പറയാനുള്ളത്? ഇത്രയും കാലം മനോരമയും പള്ളിയും പിന്നെ താങ്കളെ പ്പോലെയുള്ള ബ്ലോഗ്ഗെര്മാരും ഒന്നും വിചാരിച്ചിട്ട് കമ്മ്യൂണിസ്റ്റ്‌ പാര്‍ട്ടി ക്ക് ഒന്നും പറ്റിയിട്ടില്ല. മുടി ചീകാതെയും താടി വടി
ക്കതെയും തേക്കാത്ത കുപ്പായമിട്ടും നടന്നാല്‍ കമ്യൂണിസ്റ്റുകാരനാകും എന്ന് വിചാരിച്ചിരുന്നെങ്കില്‍ കമ്മ്യൂണിസ്റ്റ്‌ പാര്‍ട്ടി എന്നെ തകര്‍ന്നു പോയേനെ.

dethan said...

Rejith,

ഇംഗ്ലീഷും മലയാളവും കൂട്ടിക്കലര്‍ത്തി ബേബിയ്ക്കു വേണ്ടി താങ്കള്‍ നടത്തുന്ന ഈ അഭ്യാസം സഹതാപം മാത്രമേ അര്‍ഹിക്കുന്നുള്ളു.ബേബി പറഞ്ഞതു മലയാളത്തിലാണ്.സായിപ്പിന്റെ ഭാഷയിലാക്കിയാലൊന്നും അതിന്റെ കളങ്കം തീരില്ല.ഇമ്മിണി ഇങ്ക്രീസൊക്കെ നുമ്മക്കും തെരിയും.പലതും മറയ്ക്കാനും വഴി തെറ്റിക്കാ
നും അല്പബുദ്ധികള്‍ കാണിക്കുന്ന തന്ത്രങ്ങളാണതൊക്കെ.

എന്തിനും തെളിവു ചോദിക്കുന്ന താങ്കള്‍ക്ക്, മന്ത്രി അരമനകള്‍ കയറിയത് "ഫീസ് ചര്‍ച്ച നടത്താനാണ്" എന്നതിന് എന്തു തെളിവാണ് നിരത്താനും പരത്താനും ഉള്ളത്?അരമനയില്‍ പോയി ഫീസ് ചര്‍ച്ച നടത്താന്‍ മന്ത്രിയെ ആരെങ്കിലും ചുമതലപ്പെടുത്തിയതായി ജനങ്ങളാരും അറിഞ്ഞില്ല. മറ്റാരും അറിയാത്ത ഈ കാര്യം താങ്കള്‍ മാത്രം അറിഞ്ഞതെങ്ങനെ?താങ്കള്‍ പറയുന്നതാണ് സത്യമെങ്കില്‍ ഘടക കക്ഷികള്‍ എതിര്‍ത്തപ്പോള്‍ എന്താണ് അരമന നിരങ്ങല്‍ മന്ത്രി നിര്‍ത്തിയത്?

മാനേജ്മെന്റ് ആവശ്യപ്പെട്ടതിനേക്കാള്‍ മെച്ചപ്പെട്ട ഫീസ് ഘടന സമ്മതിച്ചത് ഭരണഘടനയുടെ അനുശാസനം മാനിച്ചായിരുന്നോ?സ്വന്തം അണികളെപ്പോലും ബോദ്ധ്യപ്പെടുത്താന്‍ മന്ത്രിക്കു കഴിയാത്തത് മറ്റുള്ളവരെ പഠിപ്പിക്കാന്‍ താങ്കള്‍ വക്കാലത്ത് ഏറ്റെടുത്തിരിക്കയാണോ?

കാര്യങ്ങള്‍ ഗ്രഹിക്കാന്‍ മനോരമയുടെയും പള്ളിയുടെയും അമ്പലത്തിന്റെയും മോസ്ക്കിന്റെയും ഒന്നും സഹായം എനിക്കാവശ്യമില്ല.എനിക്കെന്നല്ല, വിദ്യയെ നിന്ദിക്കയും ആലോചനാശേഷി പണയം വയ്ക്കുകയും ചെയ്യാത്ത ആര്‍ക്കും ആവശ്യമില്ല.
ആദ്യ കമന്റു മുതല്‍ താങ്കള്‍ ഉരുവിടുന്ന 'മനോരമ' വായ്ത്തരിയില്‍ നിന്ന് മനസ്സിലാകുന്നത് മറ്റേതോ പത്രമാണ് താങ്കളുടെ ചിന്തകള്‍ക്ക് വെള്ളവും വളവും നല്‍കുന്നതെന്നാണ്.

ഏതു കമ്യൂണിസ്റ്റു പാര്‍ട്ടിയെപ്പറ്റിയാണ് താങ്കള്‍ വീമ്പു പറയുന്നത്?ത്യാഗധനരായ നേതാക്കളും സാധാരണക്കാരും സ്വന്തം ജീവിതം ഹോമിച്ചു കെട്ടിപ്പടുത്ത യഥാര്‍ത്ഥ കമ്യൂണിസ്റ്റു പാര്‍ട്ടിയെ പറ്റിയോ ഭൂമാഫിയകളുടെയും ലോട്ടറി മാഫിയകളുടെയും തോളില്‍ കൈയിട്ടും കൈ നീട്ടിയും നില്‍ക്കുന്ന നേതാക്കള്‍ നയിക്കുന്ന പുതിയ മൂലധനക്കമ്യൂണിസ്റ്റു പാര്‍ട്ടിയെപ്പറ്റിയോ?
എന്തായാലും കമ്യൂണിസത്തെ കുറിച്ച് അറിയാ
മെങ്കില്‍ ബേബിയെ പഠിപ്പിക്കാന്‍ നോക്ക്.
അതിനു മുമ്പ്, വിഗ്രഹാരാധനയും വിവരക്കേടു പുലമ്പലുമല്ല കമ്യൂണിസമെന്ന് മനസ്സിലാക്ക്.

മുക്കുവന്‍ said...

താങ്കളുടെ അഭിപ്രായങ്ങളോട് പൂര്‍ണ്ണമായും യോജിക്കുന്നു. വിദ്യാഭ്യാസ മന്ത്രി സ്ഥാനത്തിരുന്ന് വിദ്യാഭ്യാസം പാതി വഴിക്ക് ഉപേക്ഷിക്കുന്നതിനെ മഹത്വവത്കരിക്കുന്നത് അല്‍പ്പത്തമാണ്

Rejith said...

ക്ഷമിക്കണം കേട്ടോ. താങ്കള്‍ക്ക് ഇംഗ്ലീഷ് അറിയമെന്നരിയില്ലയിരുന്നു. താങ്കള്‍ "പൂര്‍ണ ബുദ്ധി" ഉള്ള ഒരാളാനെന്നരിജതിലും സന്തോഷം.
ബേബി ബിഷപുമാരുമായി ചര്‍ച്ച നടത്തിയത് പരസ്യമയിട്ടാണ്. ബേബി എന്തെങ്കിലും രഹസ്യചര്‍ച്ച നടത്തിയതായി അറിയില്ല. അങ്ങനെ രഹസ്യ ചര്‍ച്ച യുടെ തെളിവാണ് ചോദിച്ചത്.താങ്കള്‍ക്ക് അറിയാമെന്നു കരുതി. അതില്ലാതെ വെറുതെ അതുമോതും പറഞ്ഞിട്ട് കാര്യമില്ല.
മറ്റാരും അറിഞ്ഞില്ല എന്ന് പറഞ്ഞത് മനസ്സിലായില്ല.
Baby was engaged in meetings with bishops, and other professional college managements for 2-3 months during last years admission. That was all in public domain and it was well convered by media.
മാനേജ്മെന്റ് ആവശ്യപ്പെട്ടതിനേക്കാള്‍ മെച്ചപ്പെട്ട ഫീസ് ഘടന സമ്മതിച്ചത് ഭരണഘടനയുടെ അനുശാസനം മാനിച്ചായിരുന്നോ?
You have to provide proof for the above. There are certain managements which didn't participate in the discussion, and they are imposing their on fee structure. First you have to accept that there are no other way other than talking to managements and at least get something decent. If the managements doesn't show any decency thats the end of the road. Either we have to amend the constitution, or central government has to pass a law.
സ്വന്തം അണികളെപ്പോലും ബോദ്ധ്യപ്പെടുത്താന്‍ മന്ത്രിക്കു കഴിയാത്തത് മറ്റുള്ളവരെ പഠിപ്പിക്കാന്‍ താങ്കള്‍ വക്കാലത്ത് ഏറ്റെടുത്തിരിക്കയാണോ?
I dont know, if someboody from CPM is not convinced. If thats the case thats the failure of Baby and party as a whole.
കാര്യങ്ങള്‍ ഗ്രഹിക്കാന്‍ മനോരമയുടെയും പള്ളിയുടെയും അമ്പലത്തിന്റെയും മോസ്ക്കിന്റെയും ഒന്നും സഹായം എനിക്കാവശ്യമില്ല.
I dont agree. You have to depend on some or other media to know these informaton. Or you personally present at the "Aramana" when Baby came there, and in the party meeting which took the decision to appoint Babay as a minister. Everybody uses media or itnernet to develop their opinion. There is no other practical way for that.
ത്യാഗധനരായ നേതാക്കളും സാധാരണക്കാരും സ്വന്തം ജീവിതം ഹോമിച്ചു കെട്ടിപ്പടുത്ത യഥാര്‍ത്ഥ കമ്യൂണിസ്റ്റു പാര്‍ട്ടിയെ പറ്റിയോ ഭൂമാഫിയകളുടെയും ലോട്ടറി മാഫിയകളുടെയും തോളില്‍ കൈയിട്ടും കൈ നീട്ടിയും നില്‍ക്കുന്ന നേതാക്കള്‍ നയിക്കുന്ന പുതിയ മൂലധനക്കമ്യൂണിസ്റ്റു പാര്‍ട്ടിയെപ്പറ്റിയോ?
Facts are required. There can be abberations, and corruption when party is goverment. But it takes corrective steps whenever required. Which top leader in communist party has illegal wealth. This is the party which takes deciplinary action against all party members who accepts bribe from manichan.

vkn said...

തോറ്റ കുട്ടികള്‍ എല്ലാരും തൂങ്ങി ചാവണം എന്ന് മന്ത്രി പറഞ്ഞിരുന്നു എങ്കില്‍ ദത്തന്‍ ഹാപി ആയേനെ..
അവരെ ആശ്വസിപ്പിക്കാന്‍ വേണ്ടി ആയിരിക്കാം മന്ത്രി ഇത് പറഞ്ഞത് എന്ന് ഒന്ന് ചിന്തിക്കാന്‍ ദത്തന് തോന്നിയില്ല?
ദാരിദ്ര്യം കാരണം പഠിക്കാന്‍ കഴിയാതെ വന്നവരെ പഠിപ്പിക്കാന്‍ ആണല്ലോ നാട് മൊത്തം സ്വാശ്രയ സ്ഥാപനങ്ങള്‍. അവയ്ക്ക് മൂക്ക് കയര്‍ ഇടാന്‍ മന്ത്രി ശ്രമിച്ചില്ലേ?
പാര്‍ട്ടി നേതൃത്വം മൊത്തം അഴിമതികാര്‍ ആണ് എങ്കില്‍, അവരെ തിരഞ്ഞെടുത്ത് അയച്ച എല്ലാ പാവപ്പെട്ട പാര്‍ട്ടികാരനും മോശകാര്‍ ആണ്.
കൃത്യമായി election നടക്കുന്ന ഒരേ ഒരു പാര്‍ട്ടി ഈ അഴിമതി പാര്‍ട്ടി ആണല്ലോ..
ആടിനെ പട്ടി ആക്കുന്ന പരിപാടി ഈ കാര്യത്തില്‍ നടക്കില്ല എന്ന് തോന്നിയിട്ടാകും മാധ്യമങ്ങള്‍ ഇത് വിട്ടു കളഞ്ഞത്.

കാക്കര - kaakkara said...

ഇതേ ബേബി സാറ്‌ പണ്ട് ടി.വി.യിലുടെ നീന്തൽ പഠിപ്പിക്കുന്നത്‌ കണ്ടതിന്‌ ശേഷം ഇട്ട ഒരു പോസ്റ്റിന്റെ ലിങ്ക് താഴെ...

http://georos.blogspot.com/2009/11/blog-post_12.html

നീന്തൽ പഠിക്കാൻ അതിലുമെളുപ്പവഴി അനേഷിച്ചു നടന്ന എന്റെ കണ്ണിൽ ഇന്നലത്തെ താങ്ങളുടെ പത്രസമ്മേള്ളന നീന്തൽപഠനകളരി ഒന്ന്‌ കയറി ഉടക്കി. തേടിയ വള്ളി കാലിൽ ഉടക്കി എന്നൊക്കെ കേട്ടിട്ടില്ലേ? അ ഉടക്ക്‌ തന്നെ! പിന്നെ അങ്ങ്‌ ഇന്നലെ നീന്തി കയറിയത്‌, വെറും ഒരു പുഴയല്ല, കടലാണ്‌. ലോകചരിത്രത്തിൽ അങ്ങയുടെ പേര്‌ വെള്ളലിപികളിൽ എഴുതപ്പെട്ടു, ശരിക്കും പെട്ടു! ഒബാമ സഖാവിന്റെ വെള്ളമടി ഉച്ചകോടിയും ഇതേ വെള്ളലിപികളിലാണ്‌ എഴുതിയത്‌ എന്നുകൂടി അറിയുമ്പോഴാണ്‌ താങ്ങളുടെ മുങ്ങികുളിയുടെ പ്രാധാന്യം മനസിലാവുകയുള്ളു.

dethan said...

മുക്കവന്‍,
നന്ദി.

Rejith,
രഹസ്യമായി ചെയ്യുന്നതിന് തെളിവു വേണം എന്നു വാശി പിടിച്ചാല്‍ എന്തു ചെയ്യും?മാദ്ധ്യമങ്ങള്‍ അറിഞ്ഞതു കൊണ്ടാണല്ലൊ സന്ദര്‍ശനം പരസ്യമായത്.സര്‍ക്കാര്ച്ചര്‍ച്ച നടത്തുന്നതിന് ചില നടപടിക്രമങ്ങളുണ്ട്.അല്ലാതെ മന്ത്രി തന്നിഷ്ടപ്രകാരം ചെയ്യുന്ന ഏതു സന്ദര്‍ശനം പൊതു താല്പര്യത്തെ മുന്‍ നിര്‍ത്തിയാണെന്നു വിശ്വസിക്കാന്‍
പറ്റില്ല. ഒരു കാര്യം പല പ്രാവശ്യം ഉരുക്കഴിച്ചാല്‍ സത്യമാകുമോ?തെളിവാകുമോ?എന്തിനും തെളിവു ചോദിക്കുന്ന താങ്കള്‍ എന്റെ നേരേഉള്ള ചോദ്യങ്ങള്‍ക്ക് മറുപടി പറയാതെ ഉരുണ്ടു കളിക്കയാണ്.തെളിവു വേണമെന്നു മുറവിളി കൂട്ടുന്ന താങ്കള്‍ക്ക് പറയുന്നത് തെളിയിക്കാനുള്ള ബാദ്ധ്യതയെങ്കിലും ഇല്ലേ?

സര്‍ക്കാരിനു മറ്റു പോം വഴീയില്ലെന്ന് ഞാന്‍ അംഗീകരിക്കണമെന്ന് താങ്കള്‍ പറയുന്നത് എന്തടിസ്ഥാനത്തിലാണ്?അരമന സന്ദര്‍ശനത്തെകുറിച്ചു ചര്‍ച്ച ചെയ്യുമ്പോള്‍ അരമനയ്ക്കു പകരമായി മാനേജ്മെന്റ്
കടന്നു വരുന്നത് എന്തുകൊണ്ട്.സ്വാശ്രയ മാനേജ്മെന്റ് എന്നാല്‍ ബിഷപ്പുമാരും അരമനയും മാത്രമാണോ?അങ്ങനെയാണ് ബേബിയെപ്പൊലെ താങ്കളും ധരിച്ചിരിക്കുന്നത്.താങ്കളുടെ 'മനോരമ കോം പ്ലക്സി'ന്റെ പൊരുള്‍ ഏകദേശം പിടികിട്ടി വരുന്നുണ്ട്;അക്ഷര നഗരി എന്നു കീര്‍ത്തിപ്പെട്ട കോട്ടയത്തു ജന്മമെടുത്ത മനോരമ,
ബേബി ഉരുവിട്ട അക്ഷര വിരോധത്തിന്റെ വായ്ത്താരി കേട്ടതായി നടിക്കുക പോലും ചെയ്യതിരുന്നതിന്റെ ഗുട്ടന്‍സും.അച്യുതാനന്ദനോ പിണറായിയോ ആയിരുന്നെങ്കില്‍ എന്താകുമായിരുന്നു മനോരമ ഉണ്ടാക്കുന്ന പുകില്‍?

വായിക്കുന്നതും കാര്യങ്ങള്‍ ഗ്രഹിക്കുന്നതും തമ്മിലുള്ള വ്യത്യാസം മനസ്സിലാകാത്ത താങ്കളോട് ഇതൊക്കെ പറഞ്ഞിട്ട് എന്തുകാര്യം?പാര്‍ട്ടിക്കൂറും പാര്‍ട്ടിയുടെ അപ്രമാദിത്തത്തിലുള്ള അമിത വിശ്വാസവും ബേബി പൂജയും കൂടിയാകുമ്പോള്‍ പിന്നെ പയുകയും വേണ്ട.

ഇവിടെ ഒരു പാര്‍ട്ടി ചര്‍ച്ച ഞാന്‍ ആഗ്രഹിച്ചിരുന്നില്ല.പക്ഷേ താങ്കള്‍ സമ്മതിക്കില്ല എന്നുവച്ചാല്‍ എന്തു ചെയ്യാനാ?മണിച്ചന്റെ കൈയ്യില്‍ നിന്നും കോഴ വാങ്ങിയ പാര്‍ട്ടി അംഗങ്ങള്‍ക്കെതിരെ അച്ചടക്ക നടപടി കൈക്കൊണ്ട പാര്‍ട്ടിയാണ് ഇത് എന്ന് താങ്കള്‍ ആംഗലത്തില്‍ അഭിമാനം കൊള്ളുന്നു.സി.പി.എം.നെ ഉദ്ദേശിച്ചായിരിക്കും ഈ ഊറ്റം കൊള്ളല്‍ എന്നു കരുതുന്നു. ശരിയാണ്.പാര്‍ട്ടി ജില്ലാ സെക്രട്ടറി ആയീരുന്ന സത്യനേശന്‍,കടകം പള്ളി സുരേന്ദ്രന്‍,കോലിയക്കോട് കൃഷ്ണന്‍ നായര്‍ എന്നീ നേതാക്കള്‍ക്കെതിരെ എടു
ത്ത നടപടിയാണ് മലോകര്‍ അറിഞ്ഞത്. സത്യനേനെ പാര്‍ട്ടിയില്‍ നിന്ന് പുറത്താക്കി.മറ്റു രണ്ടു പേരെയും
തരം താഴ്ത്തി.സത്യനേശന്‍ മരിച്ചു. ബാക്കി രണ്ടു പേരുടെ ഇപ്പോഴത്തെ സ്ഥിതി എന്താണ്?കടകം പള്ളി സുരേന്ദ്രന്‍‍ ഇപ്പോള്‍ പാര്ട്ടിയുടെ തിരുവനന്തപുരം ജില്ലാ സെക്രട്ടറിയാണ്.കോലിയക്കോട് കൃഷ്ണന്‍ നായര്‍
ജില്ലാ സഹകരണ ബാങ്ക് പ്രസിഡന്റും.ഇതേ കാരണം പറഞ്ഞ് സി.പി.ഐ.പുറത്താക്കിയ ഭാര്‍ഗ്ഗവി തങ്കപ്പന്‍
ഇപ്പോഴും പുറത്തു തന്നെയാണെന്നു കൂടി ഓര്‍ക്കുക.

ലോട്ടറി മാഫിയാ നേതാവ് സാന്തിയാഗൊ മാര്‍ട്ടിന്റെ കൈയില്‍ നിന്നു ദേശാഭ്മാനിയ്ക്കു വേണ്ടി വായ്പ വാങ്ങിയതിന്റെ പേരില്‍ നടപടി സ്വീകരിച്ചെന്നു പറയുന്ന ഇ.പി.ജയരാജന്റെ അവസ്ഥ എന്താണ്?
ആരെ പറ്റിക്കാനാണു സുഹൃത്തേ ഈ അഴിമതി വിരുദ്ധ ഗിരിപ്രഭാഷണം?

dethan said...

vkn,
ദത്തന്റെ ഹാപ്പിനസ്സല്ല ഇവിടെ പ്രശ്നം.വിദ്യാഭ്യാസ മന്ത്രി നടത്തിയ വിദ്യാഭ്യാസ വിരുദ്ധ പ്രസ്താവനയാണ്.
തന്നെ കണ്ടു പഠിക്കണം എന്നു പറയുന്നതും നിരാശപ്പെടരുതെന്ന് ഉപദേശിക്കുന്നതും രണ്ടാണ്.താന്‍ കേമനാണെന്ന് അഹങ്കരിക്കുന്നവനേ ഇത്തരം അല്പത്തം വിളമ്പുകയുള്ളൂ.ആ സ്ഥാനത്തിരുന്നുകൊണ്ട് ചെയ്തതിലെ അനൗചിത്യവും അല്പത്തവും അഹങ്കാരവും വിവരക്കേടും താങ്കള്‍ക്ക് മനസ്സിലാകാത്തത് അദ്ദേഹത്തോടുള്ള പക്ഷപാതമോ സ്നേഹമോ ആരാധനയോ കൊണ്ടാണ്.മാദ്ധ്യമങ്ങള്‍ വിട്ടു കളഞ്ഞത് എന്തു
കൊണ്ടാകാം എന്ന് ഒറിജിനല്‍ പോസ്റ്റില്‍ പറഞ്ഞിട്ടുണ്ട്.

യഥാ സമയം തെരഞ്ഞെടുപ്പു നടത്തുന്നതാണോ ഒരു പാര്‍ട്ടിയുടെ മഹത്വത്തിന്റെ മാനദണ്ഡം?മഹാഭൂരിപക്ഷത്തില്‍ അധികാരത്തിലേറ്റിയ മുഖ്യമന്ത്രിയെ ഒന്നും ചെയ്യാന്‍ സമ്മതിക്കാതെ കൂച്ചുവിലങ്ങിട്ടു പരിഹാസ്യനാക്കുന്നതോ മഹത്വം?പാര്‍ട്ടി നേതൃത്വം മൊത്തം അഴിമതിക്കരാണെന്ന് ഞാന്‍ പറഞ്ഞിട്ടില്ല.
എഴുതാപ്പുറം വായിച്ച് മന്ത്രിയെ ന്യായീകരിക്കാം എന്ന് കരുതരുത്.പിന്നെ"പാര്‍ട്ടി നേതൃത്വം മൊത്തം അഴിമതികാര്‍ ആണ് എങ്കില്‍, അവരെ തിരഞ്ഞെടുത്ത് അയച്ച എല്ലാ പാവപ്പെട്ട പാര്‍ട്ടികാരനും മോശകാര്‍ ആണ്."എന്ന താങ്കളുടെ വാദത്തിന്റെ ലോജിക് മനസ്സിലാകുന്നില്ല.
ഭരിക്കാന്‍ തെരഞ്ഞെടുത്തെന്നാണ് ഉദ്ദേശിക്കുന്നതെങ്കില്‍ പാര്‍ട്ടിക്കാരുടെ മാത്രമല്ല പാര്‍ട്ടിയില്‍ പെടാത്തവരുടെ വോട്ടു കൊണ്ടുകൂടിയാണ് ജയിച്ചതും ഭരണത്തിലേറിയതും. പാര്‍ട്ടി നേതൃത്വത്തത്തിലേക്കു തെരഞ്ഞെടുക്കുന്നതി
നക്കുറിച്ചാണെങ്കില്‍ പാവപ്പെട്ട പാര്‍ട്ടിക്കാര്‍ക്ക് അതില്‍ വലിയ പങ്കുണ്ടെന്നു തോന്നുന്നില്ല.അഥവാ ഉണ്ടെങ്കില്‍
തന്നെ നേതൃത്വത്തില്‍ എത്തിക്കഴിഞ്ഞവര്‍ നടത്തുന്ന അഴിമതിക്ക് സാധുക്കള്‍ ഉത്തരവാദികള്‍ ആകുന്നതെങ്ങനെ?

dethan said...

കാക്കര,
താങ്കളുടെ പോസ്റ്റ് ഇപ്പൊഴാണ് കാണുന്നത്.രസകരമായ ആക്ഷേപ ഹാസ്യ രചന കാട്ടിത്തന്നതിന് നന്ദി.അതിലെ പരിഹാസം പോലും അങ്ങേര്‍ ഭൂഷണമായിട്ടു കരുതുന്നുണ്ടാകും.വിലകുറഞ്ഞ പബ്ലിസിറ്റിയ്ക്കു വേണ്ടി എന്തു കോമാളിവേഷവും കെട്ടുന്നതിനും വിഡ്ഢിത്തം പുലമ്പുന്നതിനും ബഹു.മന്ത്രിയ്ക്ക് യാതൊരു ഉളുപ്പുമില്ല. മുമ്പൊരിക്കല്‍ ഇദ്ദേഹം കാഴ്ച ബൊഗ്ലാവിലെ കടുവാകുഞ്ഞുങ്ങളെ ഒക്കത്തു വച്ച് പ്രകൃതി സ്നേഹി ചമയുന്നതും ഏതോ ചാനലില്‍ കാണുകയുണ്ടായി.നരച്ചെന്നു വിചാരിച്ച് പക്വത ഉണ്ടാകണമെന്നില്ലല്ലോ.

Rejith said...

പക്ഷെ രഹസ്യമായി ചര്‍ച്ച ചെയ്യുനത് താങ്കള്‍ എങ്ങനെ അറിഞ്ഞാല്‍ കൊള്ളാം. അതരിയമെങ്കില്‍ പിന്നെ ഈ ചാരപ്പണി പോലുള്ള സംഭവങ്ങള്‍ ഒക്കെ നിര്താമല്ലോ.
ഉല്‍ പാര്‍ട്ടി ജനാധിപത്യവും അച്ചടക്ക നടപടിയും ഒന്നും താങ്കള്‍ക്ക് വലിയ കാര്യമായി തോന്നില്ല. അത് ഉണ്ടെന്നു സമ്മതിച്ചു, പക്ഷെ അത് പോര പോലും. . കമ്മ്യുണിസ്റ്റ് പാര്‍ടിക്ക് കടക്കാന്‍ എന്തെല്ലാം അഗ്നി പരീക്ഷകള്‍.
ഈ പി ജയരാജന്‍ പിണറായി വി എസ ഇവര്‍ എല്ലാവര്ക്കും എതിരെ പലപ്പോഴായി അച്ചടക്ക നടപടി എടുത്തിട്ടുണ്ട്. പിന്നെ അവരെ ഒരിക്കലും തിരിചെടുക്കരുതെന്നുള്ളത് തങ്ങളുടെ വ്യക്തി പരമായ അഭിപ്രയം. ഇതിനെല്ലാം പാര്‍ടിയില്‍ വ്യവസ്ഥാപിത മാര്‍ഗങ്ങള്‍ ഉണ്ട്. പാര്‍ട്ടി ഭരണ ഘടന ഭേദഗതി ചെയ്യേണ്ടി വരുമോ ആവൊ ?

Baiju Elikkattoor said...

രജിത്,

ദത്തന്‍ പറഞ്ഞ കാരിയങ്ങള്‍ സാമാന്യ ബുദ്ധിയുള്ള ഏതൊരാള്‍ക്കും മനസ്സിലാകുന്നതാണ്. താങ്കള്‍ ബാലിശമായ കാരിയങ്ങള്‍ നിരത്തി വെറുതെ പരിഹാസ്യന്‍ ആവുന്നു എന്ന് തോന്നുന്നു.

Rejith said...

ബൈജു,
അത് കൊള്ളാം.. ബാലിശം ..സാമാന്യ ബുദ്ധി എന്നൊക്കെ പറഞ്ഞു വെറുതെ അങ്ങ് പറഞ്ഞിട്ട് പോയാലോ.? മുകളില്‍ പറഞ്ഞതിനു വല്ല മറുപടിയും പറഞ്ഞിട്ട് പോകൂ...ഒരു വഴിക്ക് പോകുന്നതല്ലേ..

Baiju Elikkattoor said...

രജിത്,

എനിക്ക് പറയാന്‍ കഴിയുന്നതിലും വ്യക്തമായി തന്നെ ആണ് ദത്തന്‍ പറഞ്ഞിരിക്കുന്നത്. അത് മനസ്സിലാക്കാന്‍ ശ്രമിക്കൂ.

Rejith said...
This comment has been removed by the author.
Rejith said...

അപ്പൊ ബൈജു ദാട്ടന്റെ അഡ്വക്കേറ്റ് ആണല്ലേ? അറിഞ്ഞില്ല. എന്തായാലും ഒരു കാര്യം പറഞ്ഞിട്ട് പോകൂ.
What baby could have done to reduce the fee for professional colleges run by minority managements . I haven't seen any productive suggestion from Dattan.
പിന്നെ സി പി എം പാര്‍ടി യിലുള്ള ഓരോരുത്തരുടെ ഇഷ്ടം അനുസരിച്ച് ചെയ്യാന്‍ പറ്റുന്ന ഒരു പാര്‍ട്ടി അല്ല. ബേബി ചെയ്ത എല്ലാ പ്രവര്‍ത്തിയും പാര്‍ട്ടി തീരുമാനങ്ങളായി വേണം കണക്കാക്കാന്‍. അതിനു ബേബി യെ അറ്റാക്ക്‌ ചെയ്യേണ്ട കാര്യമില്ല.

Rejith said...

http://kiranthompil.blogspot.com/2009/07/blog-post_29.html

dethan said...

Rejith,
ഞാന്‍ പറഞ്ഞ കാര്യങ്ങള്‍ "സാമാന്യ ബുദ്ധിയുള്ള ഏതൊരാള്‍ക്കും മനസ്സിലാകുന്നാതാണ്"എന്ന കേവല സത്യം പറഞ്ഞതിന്റെ പേരില്‍ ബൈജുവിനു നേരെയും താങ്കള്‍ കയര്‍ക്കുന്നു. അതില്‍ നിന്നും, മുന്‍ വിധിയോടെയും പക്ഷപാതത്തോടെയുമാണ് താങ്കള്‍ന്‍ പ്രശ്നത്തെ നോക്കി ക്കാണുന്നത് എന്നു വ്യക്തമാണ്.ആ നിലയ്ക്ക് എത്ര ലളിതമായി വിശദീകരിച്ചാലും മനസ്സിലായില്ലെന്നേ താങ്കള്‍ നടിയ്ക്കൂ.തനിക്കു കഴിയുന്നതിലും വ്യക്തമായി ദത്തന്‍ പറഞ്ഞിരിക്കുന്നു എന്ന് ബൈജു പറഞ്ഞതുകൊണ്ട് അദ്ദേഹം ദത്തന്റെ അഡ്വക്കേറ്റ് ആകുന്നതെങ്ങനെ?വിരോധം കൊണ്ട് ഇങ്ങനെ സാമാന്യ യുക്തിക്കു പോലും നിരക്കാത്തതു പറയാമോ?

രഹസ്യവും പരസ്യവും തമ്മിലുള്ള വ്യത്യാസമറിയാത്തതു കൊണ്ടാണ് താങ്കള്‍ ഇങ്ങനെ ബാലിശമായ ചോദ്യങ്ങള്‍,രഹസ്യ ചര്‍ച്ചയെക്കുറിച്ച് ആവര്‍ത്തിച്ചു കൊണ്ടിരിക്കുന്നത്.സംഗതി രഹസ്യമായതു കൊണ്ടാണല്ലോ ബേബി ഒറ്റയ്ക്ക് പോയത്.അവിടെ എന്താണു ചര്‍ച്ച ചെയ്തതെന്ന് അദ്ദേഹത്തോട് ചോദിക്കണം.

പാവപ്പെട്ട വിദ്യാര്‍ത്ഥികള്‍ക്കും ഒരു ഇടതുപക്ഷ സര്‍ക്കാരിനും അനുകൂലമായ കരാര്‍ അല്ല ബേബിയുടെ അരമന സന്ദര്‍ശനങള്‍ക്കു ശേഷം സ്വാശ്രയ മാനേജ്മെന്റുമായി,ഒപ്പു വയ്ക്കപ്പെട്ടത്.അതു രഹസ്യ സന്ദര്‍ശനത്തിന്റെ പ്രത്യാഘാതമാണ്.അതിനു തെളിവു ഹാജരാക്കണമെന്നു പറയുമായിരിക്കും. കരാറിനു മുമ്പും പിമ്പുമുള്ള ഫീസ് നിരക്കുകള്‍ ഏതെങ്കിലും സ്വാശ്രയ സ്ഥാപനത്തില്‍ നിന്നും എടുത്തു നോക്കിയാല്‍ മതി.തെളിവുവു കാണാം.

ഫീസ് കുറയ്ക്കാന്‍ വേണ്ടി ബേബി എന്തു ചെയ്യണമായിരുന്നു എന്ന യാതൊരു ക്രിയാത്മക നിര്‍ദ്ദേശവും എന്നില്‍ നിന്ന് ഉണ്ടായില്ല എന്ന് ബൈജുവിനുള്ള മറുപടിയില്‍ താങ്കള്‍ കുറ്റപ്പെടുത്തുന്നു.എന്റെ പോസ്റ്റില്‍
അത് അപ്രസക്തമാണ്.പിന്നെ;രാജ്യം ഭരിക്കാന്‍ കെല്പുള്ളവര്‍ ധാരാളമുള്ള ഒരു പാര്‍ട്ടിക്കും മുന്നണിക്കും സാധാരണക്കാരുടെ നിര്‍ദ്ദേശത്തിന്റെ ആവശ്യമുണ്ട്ന്നു തോന്നുന്നില്ല.പോരാത്തതിന് മാധവന്‍ കുട്ടിയെപ്പോലുള്ള
പുത്തന്‍ പ്രത്യയശാസ്ത്ര വിശാരദന്മാര്‍ പാര്‍ട്ടിക്കു സ്വന്തമായുണ്ടല്ലോ.

ഉള്‍പാര്‍ട്ടി ജനാധപത്യമൊന്നും എന്നെപ്പോലുള്ള പാവങ്ങള്‍ക്ക് മനസ്സിലാകാന്‍ പാടാണേ.വിശേഷിച്ച് സെക്രട്ടറി ഭക്തന്മാര്‍ക്ക് ഒരു നിയമവും വിമര്‍ശകര്‍ക്ക് മറ്റൊരു നിയമവും കൊണ്ട് 'ഉള്‍പാര്‍ട്ടി ജനാധിപത്യ'വും അച്ചടക്ക നടപടിയും പ്രാവര്‍ത്തികമാക്കുമ്പോള്‍.ഏതാണ്ട് മരണം വരെ സത്യനേശനെ പുറത്തു നിര്‍ത്തിയ
പ്പോള്‍ മറ്റു രണ്ടു പേരെയും വളരെ വേഗം അച്ചടക്ക നടപടിയില്‍ നിന്നു മോചിപ്പിച്ച് പണ്ടത്തെക്കാള്‍ വലിയ
ഉത്തരവാദിത്തം ഏല്പ്പിച്ചതു തന്നെ നിഷ്പക്ഷ നടപടിയുടെ ഉദാഹരണമാണല്ലൊ.അച്ചടക്ക നടപടിക്കു ശേഷം
ആദ്യം ഏല്പിച്ച സഹകരണ ബാങ്ക് പ്രസിഡന്റ് സ്ഥാനത്തിരുന്നു കൊണ്ട് അനധികൃത നിയമനം നടത്തിയതിന്റെ പേരില്‍ കടകം പള്ളി സുരേന്ദ്രനെ പാര്‍ട്ടി താക്കീതു ചെയ്തതില്‍ നിന്നു തന്നെ പുള്ളിക്കാരന്‍
എത്ര ശുദ്ധനാണെന്ന് വ്യക്തമല്ലേ?അച്ചടക്ക നടപടിയ്ക്കു വിധേയനായ വി.എസ്സിനെ പൊളിറ്റ് ബ്യൂറോയിലേക്ക് തിരിച്ചെടുപ്പിക്കാന്‍ വേണ്ടിയാണല്ലോ ഇപ്പോള്‍ സ്റ്റേറ്റ് കമ്മിറ്റിയില്‍ അദ്ദേഹത്തെ ചിത്രവധം ചെയ്തത്.
എന്തൊരു ഉള്‍പാര്‍ട്ടി ജനാധപത്യം!

Rejith said...

ഇവിടെ സാമാന്യ ബുദ്ധി ഉള്ള ആര്‍ക്കും മനസ്സിലാവും, ന്യൂന പക്ഷ സ്ഥാപനങ്ങളുടെ ഫീസ്‌ നിയന്ത്രിക്കാന്‍ നിലവിലുള്ള സാഹചര്യത്തില്‍ ഉള്ള പ്രായോഗിക ബുദ്ധിമുട്ടുകള്‍.
അത് പോലും മനസ്സിലാക്കാന്‍ പറ്റാത്ത താങ്കളുടെയും ബിജുവിന്റെയും "സാമാന്യ ബുദ്ധി" വെയില്‍ കൊള്ളിക്കതിരിക്കുന്നതാണ് നല്ലത്.

dethan said...

Rejith,
"ഇവിടെ സാമാന്യ ബുദ്ധി ഉള്ള ആര്‍ക്കും മനസ്സിലാവും ന്യൂന പക്ഷ സ്ഥാപനങ്ങളുടെ ഫീസ്‌ നിയന്ത്രിക്കാന്‍ നിലവിലുള്ള സാഹചര്യത്തില്‍ ഉള്ള പ്രായോഗിക ബുദ്ധിമുട്ടുകള്‍."

അപ്പോള്‍ താങ്കള്‍ പറയുന്ന 'സാമാന്യബുദ്ധി' ഇല്ലാഞ്ഞിട്ടാണോ മന്ത്രി ഇതിനു വേണ്ടി അരമന നിരങ്ങിയത്?ന്യൂനപക്ഷ സ്ഥാപനങ്ങളുടെ ഫീസ് നിയന്ത്രിക്കാന്‍ പ്രായോഗിക ബുദ്ധിമുട്ടുള്ളതിനു പരിഹാമായിട്ടാണോ ഭൂരിപക്ഷത്തിനു കൂടി ഫീസ് കൂട്ടി നിശ്ചയിച്ചു കൊടുത്തത്?

ഞങ്ങളുടെ "സാമാന്യ ബുദ്ധി"യും അല്ലാത്ത ബുദ്ധിയും,താങ്കളെപ്പോലെ ആര്‍ക്കും പണയപ്പെടുത്തിയിട്ടില്ലാത്തതിനാല്‍ വെയില്‍ കൊള്ളിച്ചോ കൊള്ളിക്കാതെയോ കഴിച്ചോളാം.

Rejith said...

ഇവിടെ ഭൂരിപക്ഷം വിദ്യാഭ്യാസ സ്ഥാപനങ്ങളും നടത്തുന്നത് ന്യൂന പക്ഷമാണ്. പിന്നെ പ്രായോഗിക ബുദ്ധിമുട്ടുകള്‍ ഇല്ലെന്നു താങ്കളും പറയുന്നില്ലലോ. ബുദ്ധിമുട്ട് ഉണ്ടെന്നു വച്ച അതിനെ വേണ്ടി ശ്രമിക്കതിരിക്കേണ്ട കാര്യമില്ല. അതിനു ശ്രമിച്ചാല്‍ ആരുടേയും "സാമാന്യബുദ്ധി" നഷ്ടപ്പെട്ടു പോവുകയും ഇല്ല.
I don't think anything useful is going to happen from this discussion. Thanks for all your replies. :)

dethan said...

Rejith,
പല കാര്യങ്ങള്‍ക്കും പ്രായോഗിക ബുദ്ധിമുട്ടുകള്‍ ഉണ്ടാകും.ആത്മാര്‍ത്ഥതയും ഇച്ഛാശക്തിയും ഉണ്ടെങ്കില്‍ അവയെ മറികടക്കാനാകും.കൂടെ നില്‍ക്കുന്നവരെ വിശ്വാസത്തിലെടുക്കുകയും വേണം.താന്‍ കേമനും തെറ്റുപറ്റാത്തവനുമാണ് എന്ന അഹന്തയും കൊണ്ടു നടന്നാല്‍ പ്രശ്നങ്ങള്‍ കൂടുകയേ ചെയ്യൂ.അതു മനസ്സിലാക്കാത്തതാണ് ബേബിയുള്‍പ്പെടെയുള്ള പല മന്ത്രിമാരുടെയും പരാജയ കാരണം.മുഖ്യമന്ത്രിയെ അപമാനിക്കാന്‍ പാര്‍ട്ടി നേതൃത്വം നടത്തുന്ന കൊള്ളരുതായ്മകള്‍ ഉള്‍പ്പെടെ പലതും ഇതു സംബന്ധിച്ച് ചര്‍ച്ച ചെയ്യേണ്ടി വരും.അതൊന്നും ഈ പോസ്റ്റിന്റെ വിഷയമായിരുന്നില്ല.പദവിക്കു ചേരാത്ത മന്ത്രിയുടെ പ്രസ്താവനയെ വിമര്‍ശിക്കുക മാത്രമാണ് ചെയ്തത്. ബേബിയോടുള്ള മമതയോ ആരധനയോ മൂലം താങ്കള്‍
പ്രധാന പ്രശ്നത്തില്‍ നിന്ന് വഴുതിമാറി.അങ്ങനെയാണ് ചര്‍ച്ച ഈ വിധമായത്.പ്രയോജനം ഉണ്ടായാലും ഇല്ലെങ്കിലും ചര്‍ച്ചകള്‍ അനന്തമായി നീട്ടിക്കൊണ്ടു പോകുന്നതില്‍ അര്‍ത്ഥമില്ല.സഹകരണത്തിനും പ്രതികരണത്തിനും നന്ദി.

($nOwf@ll) said...

vaauichu..