മാറിയ വാല്മീകി

അമ്പേറ്റു വീഴുന്ന പെണ്‍ പക്ഷിയെ
ക്കണ്ടകം പൊള്ളി മിണ്ടാത
നങ്ങാതെ നില്‍ക്കേ,
'അരുതരുതു കാട്ടാള'എ-
ന്നരുളിയെത്തുന്നി-
തന്‍ പിന്റെയാള്‍ രൂപമാകും
മഹാമുനി.

നീറുന്ന മുറിവില്‍ തലോടിയും
നോവുന്ന മനസ്സിന്നു സാന്ത്വന
മേകിയും മുനിവരന്‍

അവളെയുമെടുത്തുകൊ
ണ്ടാശ്രമത്തിങ്കലേ
ക്കതിവേഗം പോകുകയായി.

കരുണയുടെ കടലിന്റെ
തിരമാലയില്‍ പെട്ടു
മൃതി തോറ്റു പിന്മാറി
കലപിലകള്‍ പാടിപ്പറന്നു പോം
കിളിയെന്നു വിശ്വസിച്ചാശ്വസിക്കേ

മുനികുടീരത്തില്‍ നിന്നുയരുന്നു
നേര്‍ത്തുള്ള മരണക്കരച്ചിലും
പുകയും നനുത്ത പൊന്‍ തൂവലും.
Fans on the page