Total Pageviews

Friday, June 5, 2009

വല്ലോം മനസ്സിലായോ ?

കേരള സര്‍വ്വകലാശാലയുടെ ഹിന്ദി ഡിപ്പാര്‍ട്ട്മെന്റ് ഉദ്ഘാടനച്ചടങ്ങ്.അന്നത്തെ മുഖ്യമന്ത്രി ഇ.കെ.നായനാര്‍ അദ്ധ്യക്ഷന്‍.
ഉദ്ഘാടക ഗവര്‍ണ്ണര്‍ ശ്രീമതി രാം ദുലാരി സിന്‍ഹ.15മിനിട്ടിലേറെ നീണ്ട ഗവര്‍ണ്ണറുടെ ഉദ്ഘാടന പ്രസംഗം ഹിന്ദിയിലെ ഒരു മലവെള്ളപ്പാച്ചിലായിരുന്നു.സദസ്യരില്‍ ഏറെപ്പേര്‍ക്കും യാതൊന്നും മനസ്സിലായില്ല.

ഉദ്ഘാടന പ്രസംഗത്തിനു ശേഷം അദ്ധ്യക്ഷപ്രസംഗത്തിനായി മുഖ്യമന്ത്രി എഴുന്നേറ്റു.പ്രസംഗം എഴുതി തയ്യാറാക്കിയ കടലാസ് മാറ്റിവച്ച് ചെറിയ പുഞ്ചിരിയോടെ സദസ്യരോടായി ചോദിച്ചു:
" വല്ലോം മനസ്സിലായോ ?"
ഗവര്‍ണ്ണറുടെ കടുത്ത ഹിന്ദി കേട്ട് അന്തം വിട്ടിരുന്ന ജനം ഒരേ സ്വരത്തില്‍ പറഞ്ഞു:"ഇല്ല."
"എനക്കും ഒന്നും മനസ്സിലായില്ല." സദസ്യരുടെ അഭിപ്രായത്തെ അദ്ദേഹം വിടര്‍ന്നചിരിയോടെ ശരിവച്ചു.
തുടര്‍ന്ന് കേട്ടത് സെനറ്റ് ഹാള്‍ നടുങ്ങുന്ന പൊട്ടിച്ചിരിയും കൈയ്യടിയും !


Fans on the page